DAC4/Tuairisciú de Réir Tíre (DrT)

Conas Tuairisc de Réir Tíre (DrT) a thíolacadh

Ní mór do ghrúpaí fiontar ilnáisiúnta (Grúpaí MNE) a bhfuil dualgais tíolactha DrT orthu in Éirinn, Seirbhís ar Líne na gCoimisinéirí Ioncaim (ROS) a úsáid chun clárú don dualgus Tuairiscithe DrT.

Ní mór duit clárú mar eintiteas tuairiscithe má tá oibleagáid Tuairiscithe DrT ort ach:

• níl uimhir thagartha cánach agat
• agus
• níl tú cláraithe le haghaidh ROS.

Féadtar é seo a dhéanamh ach Foirm Clárúcháin le haghaidh Eintiteas Tuairiscithe a chomhlánú. Más gníomhaire thú atá ag déanamh ionadaíochta ar eintiteas tuairiscithe, féadtar do chliant a chlárú ar ROS. Nuair a bheidh tú cláraithe mar eintiteas tuairiscithe, beidh tú in ann teacht ar ROS agus clárú don dualgas tuairiscithe DrT.

Nuair a bheidh tú cláraithe, féadtar tuairiscí DrT a sheoladh chuig na Coimisinéirí Ioncaim trí ROS.

Le tuilleadh eolais a fháil, féach aguisín V denTreoirleabhar Cánach agus Dleachta Cuid 38-03-21. Tá treoir céim ar chéim maidir le saincheisteanna ar fáil sa rannán seo, lena n-áirítear:

• conas clárú mar eintiteas tuairiscithe
• eintitis tuairiscithe éagsúla chun críocha Tuairiscithe DrT
• agus
• conas Tuairisc DrT a thíolacadh.

Cén uair is gá Tuairisc DrT a thíolacadh?

Ní mór do Ghrúpa MNE a dTuairisc DrT a thíolacadh tráth nach déanaí ná 12 mhí tar éis an lae dheireanaigh den bhliain fhioscach lena mbaineann an Tuairisc.

Ní mór fógraí Tuairiscithe DrT a thíolacadh tráth nach déanaí ná an lá deireanach den bhliain fhioscach lena mbaineann an Tuairisc.

Ar aghaidh: Cén uair agus cén chaoi a ndéantar an fhaisnéis a mhalartú