Bearta in aghaidh chreimeadh an bhoinn agus aistriú brabúis (BEPS)

An Riail um Theorannú Úis

Tá sé beartaithe go gcuirfidh an Riail um Theorannú Úis (RTÚ) teorainn ar chreimeadh an bhoinn trí asbhaintí iomarcacha úis a úsáid. Cuireann sé seo teorainn 30% ar an asbhaint glanúis uasta a bhaineann le Tuilleamh Roimh Ús, Cánacha, Dímheas, Amúchta (EBITDA). Ní fhéadtar aon ús os cionn na suime sim a asbhaint sa bhliain reatha. Ina áit sin, déantar inasbhainteacht úis a iarchur go dtí go bhfuil toilleadh dóthanach úis ann chun asbhaint a éascú.

Baineann an RTÚ le tréimhsí cuntasaíochta dar tús an 1 Eanáir 2022 nó dá éis sin.

Baineann an RTÚ le gach cáiníocóir corparáideach. Tá díolúintí áirithe i gceist leis an RTÚ, áfach. I measc na ndíolúintí seo tá an méid seo a leanas:

• cuideachtaí a bhfuil costas glanúis €3 milliún nó níos mó acu
• cuideachtaí leithleacha gan aon chomhghleacaí, cuideachtaí grúpa ná bunaíochtaí buana taobh amuigh d’Éirinn
• níl ús ar iasachtaí do Thionscadail Fhadtréimhseacha Bonneagair Phoiblí faoi réir an RTÚ
• agus
• ús ar fhiachas oidhreachta (téarmaí aontaithe ar an 17 Meitheamh 2016 nó dá éis sin).

Féadann cuideachta bheith mar bhall de ghrúpa. Déantar seasamh fiachais an ghrúpa sin a mheas nuair atá measúnú á dhéanamh ar cibé acu ar tógadh asbhaintí iomarcacha úis nó nár tógadh.

Féadtar caitheamh le grúpa de chuideachtaí Éireannacha mar aon cháiníocóir amháin. Níl sé seo ach chun críocha an tsriain seo amháin agus tá sé faoi choinníollacha áirithe.

Le haghaidh tuilleadh eolais, féach ar an Lámhleabhar Cánach agus Dleachta Cuid 35D-01-01 Guidance on Interest Limitation.

Tabhair do d’aire

Cuireann Cuid 35D den Acht Comhdhlúite Cánacha, 1997 na Treoracha ina aghaidh Seachaint Cánach (ATAD) i bhfeidhm trí rialacha i leith teorannú úis a thabhairt isteach. Go sonrach, Treoir (AE) 2016/1164 (ATAD) ón gComhairle, arna leasú ag Treoir (AE) 2017/952 an 29 Bealtaine 2017 (ATAD2).

Ar aghaidh: Colún a Dó