Díolúine chánach do chomhlachtaí spóirt

Díolúine chánach do spóirt a tharraingt siar

Déanfar díolúine chánach do spóirt a tharraingt siar sa chás go bhfuil comhlacht spóirt:

• á bhfoirceannadh
• faoi leachtú
• nó
• ina chuideachta theoranta agus go bhfuil an Oifig um Chlárú Cuideachtaí (CRO) tar éis é a dhíscaoileadh.

Eiseoidh Na Coimisinéirí Ioncaim deimhniú i scríbhinn más rud é gur tarraingíodh siar an díolúine chánach sin.

Cén uair a d'fhéadfadh sé nach mbeidh feidhm ag an díolúine chánach a thuilleadh?

Féadfaidh sé go gcinnfidh na Coimisinéirí Ioncaim nach bhfuil feidhm ag an díolúine chánach a thuilleadh más rud é:

• nach bhfuil do chomhlacht spóirt i mbun teagmhála linn. Mar shampla, tá dliteanas cánach amuigh ag do chomhlacht spóirt nó níor chuir sé cuntais nó doiciméid eile ar fáil, mar a iarrtar
• nach bhfuil do chomhlacht spóirt in ann leanúint ar aghaidh lena chuspóir agus tá gníomhaíochtaí scortha
• nó
• go gcinneann muid nach gcáilíonn do chomhlacht spóirt don díolúine chánach a thuilleadh.

Sna cúinsí seo, eiseoidh na Coimisinéirí Ioncaim fógra i scríbhinn ina leagfar amach na cúiseanna ina bhféadtar díolúine chánach a tharraingt siar. Beidh 21 lá agat chun na doiciméid tacaíochta a chur ar fáil maidir le d’éileamh ar dhíolúine chánach. Má chinneann muid, tar éis an phróisis seo, go bhféadtar leanúint ar aghaidh leis an díolúine chánach, deimhneofar é seo duit i scríbhinn.

Eiseoidh na Coimisinéirí Ioncaim cinneadh foirmiúil i leith an díolúine chánach a tharraingt siar más rud é, tar éis 21 lá:

• nach ndearna tú teagmháil linn
• nár chuir tú an eolas a iarradh ar fáil
• nó
• tar éis faisnéis bhreise a fháil, tá muid fós den tuairim gur chóir an díolúine chánach a tharraingt siar.

Achomharc a dhéanamh ar chinneadh i leith díolúine chánach a tharraingt siar

Féadtar achomharc a dhéanamh in aghaidh cinneadh na gCoimisinéirí Ioncaim i leith díolúine chánach a tharraingt siar trí achomharc a dhéanamh go díreach leis An gCoimisiún um Achomhairc Chánach. Ní mór an achomharc a dhéanamh taobh istigh de 30 lá ón dáta a eisítear cinneadh foirmiúil.