Mál ginearálta

Achomhairc ar chúrsaí máil

Mura n-aontaíonn tú le haon cheann de na cinntí seo a leanas a rinne na Coimisinéirí Ioncaim maidir le cúrsaí máil, féadtar achomharc a dhéanamh go díreach leis an gCoimisiún um Achomhairc Chánach:

• Diúltú údarú mar choimeádaí trádstórais, choinsíneoir cláraithe, choinsíní cláraithe nó ionadaí cánach a dheonú.
• Diúltú iarratasóir a chlárú mar choinsíneoir cláraithe nó mar choinsíní cláraithe.
• Diúltú áitreabh a cheadú mar thrádstóras cánach.
• Aon údarú nó ceadú den sórt sin a chúlghairm.
• Diúltú Ceadúnas Trádálaí Breosla Mótair (AFTL) agus, nó Ceadúnas Trádálaí Breosla Mharcáilte (MFTL) a dheonú nó ceadúnas den sórt sin a chúlghairm.
• Cinneadh maidir le méid Dleachta Máil a íocadh, a measúnaíodh nó a aisíocadh, i ndáil le:
  • Cáin ar Tháirgí Alcóil
  • Cáin Leictreachais
  • Cáin Charbóin ar Ghás Nádúrtha
  • Cáin Charbóin ar Bhreosla Soladach
  • Cáin Ola Mianra
  • Cáin ar Tháirgí Tobac
  • Cáin ar Dheochanna Siúcra-Mhilsithe
  • Dleachtanna gealltóireachta

Féadfaidh tú achomharc a dhéanamh ar na cinntí seo trí na nósanna imeachta a leagtar amach ar an leathanach Achomhairc na gCoimisineirí Ioncaim a leanúint.

Leagtar amach in Alt 146 den Acht Airgeadais, 2001 an bonn reachtach ar ar féidir achomhairc mháil a dhéanamh. Chun go nglacfar le hachomharc, ní mór duit an tuairisceán ábhartha a thíolacadh ar dtús agus an Dleacht Mháil atá faoi achomharc a íoc, sa chás go mbaineann an t-achomharc le:

• tuairisceán a dhéanamh
• nó
• Dleacht Mháil a íoc.

Ní mór achomharc a dhéanamh chuig an Coimisiún um Achomhairc Chánach laistigh de 30 lá ó dháta an fhógra faoin gcinneadh nach n-aontaíonn tú leis.

Is próiseas dhá chéim é an nós imeachta achomhairc Cánach Cláraithe Feithiclí (CCF). Is oifigeach de chuid na gCoimisinéirí Ioncaim a dhéanann an chéad chéim. Mura n-aontaíonn tú leis an toradh, féadtar dul go díreach chuig an dara céim chuig an TAC.

Ar aghaidh: Reachtaíocht chuí