FATCA/DAC2-CRS
An Comhchaighdeán Tuairiscithe (CRS) agus DAC2
Is é an CRS an comhchaighdeán tuairiscithe domhanda le haghaidh Malartú Uathoibríoch Faisnéise (AEOI) maidir le faisnéis airgeadais. Cheadaigh an ECFE é i mí Feabhra 2014. Tá Éirinn i measc os cionn 100 dlínse a shínigh an CRS.
Foráiltear le Treoir 2011/16 ón gComhairle (AE) (DAC) don malartú faisnéise cáiníocóra idir córais riartha cánach na mBallstát AE. I mí na Nollag 2014, leasaíodh an DAC le Treoir 2014/107 ón gComhairle (AE) (DAC2). Rinne DAC2 oibriú an CRS éigeantach do Bhallstáit uile an AE agus thug sé an CRS isteach i reachtaíocht AE.
Faoi DAC2-CRS tuairiscíonn institiúidí airgeadais na hÉireann sonraí faoi shealbhóirí cuntais nach bhfuil cónaitheach ó thaobh cánach de in Éirinn ná sna Stáit Aontaithe. Déanfaidh na Coimisinéirí Ioncaim an fhaisnéis seo a mhalartú ansin leis an dlínse chónaithe rannpháirteach.
Faoi AEOI, faigheann na Coimisinéirí Ioncaim sonraí faoi chuntais atá i seilbh cónaitheoirí cánach Éireannacha le hInstitiúidí Airgeadais i ndlínsí rannpháirteacha.
D'fhoilsigh na Coimisinéirí Ioncaim liosta de dhlínsí rannpháirteacha le haghaidh DAC2-CRS.
Reachtaíocht na hÉireann agus treoracha maidir le DAC2-CRS
Trasuíodh an CRS agus DAC2 le hailt 891F and 891G den Acht Comhdhlúite Cánacha, 1997 faoi seach.
Tacaítear leo seo le Rialacháin I.R. Uimh. 583 de 2015 agus I.R. Uimh. 609 de 2015.
Chun tuilleadh treorach a fháil ar shaincheisteanna forfheidhmithe intíre an CRS in Éirinn, féach an Treoirleabhar Cánach agus Dleachta Páirt 38-03-23.
I gcás nach dtugann an reachtaíocht nó an CRS aghaidh ar shaincheist, ba cheart gurb í an treoir bhreise arna heisiúint ag ECFE an phríomhfhoinse treorach. Áirítear leis seo:
Cén uair agus cén chaoi a ndéantar an fhaisnéis a mhalartú
Ní mór d’institiúidí airgeadais na hÉireann sonraí na gcuntas cuí a thuairisciú do na Coimisinéirí Ioncaim faoi 30 Meitheamh gach bliain. Déanfaidh na Coimisinéirí Ioncaim an fhaisnéis seo a roinnt le dlínse cónaitheachta cánach an tsealbhóra cuntais faoi 30 Meán Fómhair gach bliain.
Conas tuairisceán DAC2-CRS a thíolacadh
Ba chóir d’institiúidí airgeadais Seirbhís ar Líne na gCoimisinéirí Ioncaim (ROS) a úsáid chun clárú le haghaidh na hoibleagáide tuairiscithe DAC2-CRS. Mura bhfuil teacht agat ar ROS, ní mór duit clárú mar eintiteas tuairiscithe. Féadtar é seo a dhéanamh ach Foirm Clárúcháin le haghaidh Eintiteas Tuairiscithe a chomhlánú. Más gníomhaire thú atá ag déanamh ionadaíochta ar eintiteas tuairiscithe, féadtar do chliant a chlárú ar ROS. Nuair a bheidh tú cláraithe mar eintiteas tuairiscithe, beidh tú in ann teacht ar ROS agus clárú le haghaidh na hoibleagáide tuairiscithe CRS. Féadfaidh tú ansin na tuairisceáin DAC2-CRS a sheoladh chuig na Coimisinéirí Ioncaim trí ROS.
Féach ar an Treoirleabhar Cánach agus Dleachta Cuid 38-03-01a chun tuilleadh eolais a fháil ar conas:
- clárú mar eintiteas tuairiscithe
- clárú le haghaidh dualgas tuairiscithe
- do thuairisceán a fhormáidiú i gceart
- agus
- tuairisceán a thíolacadh.
Ar aghaidh: Cineálacha Institiúidí Airgeadais a bhfuil oibleagáid orthu tuairisciú do na Coimisinéirí Ioncaim faoi FATCA agus DAC2-CRS