Faoiseamh le haghaidh Cluichí Digiteacha
Caiteachas
Is éard is 'caiteachas cáilitheach' ann ná caiteachas a thabhaigh comhlacht i leith cluiche digiteach a dhearadh, tháirgeadh agus thástáil. Tá sé teoranta don mhéid seo a leanas:
- costais fostaíochta
- costais ar threalamh
- míreanna intomhalta agus cearta maoine intleachtúla
- agus
- íocaíochtaí an fhochonraitheora suas le €2,000,000.
Ní áirítear leis seo:
- Caiteachas i leith coincheap tosaigh an chluiche dhigitigh a dhearadh
- Caiteachas i leith cluiche digiteach críochnaithe a dhífhabhtú nó aon chothabháil a dhéantar ar chluiche digiteach críochnaithe
- agus
- Caiteachas ar íocaíochtaí le fochonraitheoirí de níos mó ná €2,000,000.
Tá caiteachas ar éiligh an chuideachta an Faoiseamh Scannán nó an Creidmheas Cánach Corparáide T&F ina leith eisiata ón gcreidmheas. Ní chuirtear san áireamh freisin aon chostais a íoctar, nó atá le híoc, trí mhaoiniú ó fhoinse eile, amhail deontas.
Ciallaíonn 'caiteachas incháilithe' an chuid den chaiteachas cáilitheach caite in Éirinn nó sa Limistéar Eorpach Eacnamaíoch (LEE).
Is éard atá sa chreidmheas do gach cluiche digiteach ná 32% de cibé acu is lú den mhéid seo:
- caiteachas incháilithe
- 80% d’iomlán an chaiteachais cháilithigh
- nó
- €25 milliún.
Ní mór do shuim an chaiteachais cháilithigh a bheith ar a laghad €100,000.
Ar aghaidh: Éileamh a dhéanamh ar an gcreidmheas cánach