Gairmeacha
Deiseanna gairme
Speisialtóir TFC - Príomhoifigeach Cúnta - Baile Átha Cliath, Luimneach agus Caisleán an Bharraigh
Tá Speisialtóirí TFC á n-earcú ag na Coimisinéirí Ioncaim le bheith páirteach ag leibhéal ardbhainistíochta i bhforbairt agus i gclaochlú leanúnach ár seirbhísí chun freagairt do dhomhan atá níos digitithe ná riamh. Tá na Coimisinéirí Ioncaim ar cheann de na timpeallachtaí TFC is fearr in Éirinn san Earnáil Phoiblí a ghlacann le raon leathan teicneolaíochtaí sofaisticiúla. Is deis iontach é seo a bheith páirteach ag leibhéal ardbhainistíochta i seachadadh fhís na gCoimisinéirí Ioncaim agus muid ag obair chun spriocanna na hÉireann maidir le Deich mBliana Digiteacha an AE a bhaint amach, straitéisí Rialtais a chur i bhfeidhm inár n-eagraíocht, agus cur ar chumas na gCoimisinéirí Ioncaim teagmháil dhigiteach a dhéanamh le saoránaigh, gnóthaí agus seirbhísigh phoiblí.
Tá róil éagsúla á dtairiscint againn thar réimse leathan feidhmeanna TFC, lena n-áirítear:
- foirne a threorú i ndearadh, i bhforbairt agus i seachadadh beartas oibríochtúil agus córas straitéiseach TF
- forbairt bogearraí ar chreataí casta saincheaptha agus ar fheidhmchláir ghnó
- intleacht agus anailísíocht ghnó
- bainistíocht seirbhíse TFC.
Cuireann muid an méid seo a leanas ar fáil:
- obair shuimiúil, éagsúil agus thairbheach
- deiseanna foghlama agus forbartha gairme den scoth
- Deis chun leas a bhaint as bealaí nua-aimseartha oibre, lena n-áirítear fostaíocht tacúil don teaghlach agus meascán d’obair ón mbaile agus d’fhreastal oifige.
Táimid ag lorg ceannairí Speisialtóra TFC atá tiomanta rannchuidiú láidir a dhéanamh le Cuspóirí Straitéiseacha na gCoimisinéirí Ioncaim a bhaint amach. Más Speisialtóir TFC thú a bhfuil meon ceannaireachta agat agus má tá gairm dhúshlánach á lorg agat, nach breá teacht chun linn?
Cuireann na róil seo scála pá tarraingteach ar fáil ag tosú ag €79,086 ag ardú go €98,559. Tosaíonn an fhoireann ag €79,086 agus faigheann siad incrimintí bliantúla bunaithe ar fheidhmíocht shásúil. Tá tuilleadh eolais ar thuarastal leagtha amach i Leabhrán Eolais an Iarrthóra.
Chun iarratas a dhéanamh, téigh chuig www.revenue.ie/careers.
Dáta Deiridh: Déardaoin, 28 Samhain 2024 ag 13:00
Is Fostóir Comhionannais Deiseanna é Oifig na gCoimisinéirí Ioncaim.