Cáin Cláraithe Feithiclí (CCF)

Íoctar Cáin Cláraithe Feithiclí (CCF) ag tráth clárúcháin tosaigh na feithicle sa Stát. Nuair a cheannaítear feithicil nua, déanfaidh an díoltóir mótar an feithicil a chlárú ag tráth an díola. Ní mór don díoltóir an Cháin Cláraithe Feithiclí (CCF) agus an Cháin Bhreisluacha (CBL) a íoc leis na Coimisinéirí Ioncaim. Ní mór d’fheithicil athláimhe a iompórtáladh isteach sa Stát a bheith tugtha i láthair ag an tSeirbhís Náisiúnta Tástála Carranna (SNTC), cláraithe, agus an cháin chuí íoctha. 

Catagóirí CCF

Ní mór an fheithicil a chur i  gcatagóir CCF sula bhféadann na Coimisinéirí Ioncaim an tsuim iníoctha cánach a dheimhniú.

Tá cúig chatagóir CCF ann, is iad sin catagóirí A, B, C, D agus M.

Sonraítear sna sonraí a fhoilsítear ar an leathanach idirlín seo líon na gclárúchán de réir ráithe d'fheithiclí nua agus d'fheithiclí athláimhe. Tá sonraí ar fáil ó 2021 ar aghaidh.

Tá trí thacar sonraí ann:

• Total Registrations

Briseann an tacar sonraí seo líon na gclárúchán feithiclí nua agus athláimhe síos de réir ráithe agus Catagóir Feithiclí na gCoimisinéirí Ioncaim. Soláthraíonn sé freisin an dliteanas CCF bainteach do gach catagóir. 

• Category A Registrations by VRT Band

Briseann an tacar sonraí seo líon na gclárúchán feithicle nua agus athláimhe i gCatagóir A síos tuilleadh de réir ráithe agus Banda CCF.  Soláthraítear an dliteanas CCF bainteach do gach banda agus meánluach na feithicle don CCF laistigh de gach banda. Tá feithiclí atá faoi réir muirir sheasta eisiata.

• Category A Registrations by Engine Type

Sonraítear sa tacar sonraí seo líon na gclárúchán feithicle nua agus athláimhe i gCatagóir A de réir ráithe agus cineál innill. Mar aon leis an dá thacar sonraí atá leagtha amach thuas, taispeánann sé an dliteanas CCF bainteach.