Príomhthorthaí ó chomhairliúchán poiblí maidir le riarachán CBL na hÉireann a nuachóiriú foilsithe ag na Coimisiniréirí Ioncaim
Inniu (27/06/2024), d'fhoilsigh na Coimisinéirí Ioncaim tuarascáil ina leagtar amach na príomhthorthaí ón gcéad chéim dá gcomhairliúchán poiblí maidir le riarachán CBL na hÉireann a nuachóiriú.
Déanann an comhairliúchán breithniú ar an bhféidearthacht, trí dhul chun cinn sa teicneolaíocht dhigiteach, athdhearadh a dhéanamh ar an mbealach ina riartar CBL in Éirinn, chun oibleagáidí comhlíontachta a ailíniú níos dlúithe le gnáthphróisis ghnó. Dhírigh an chéad chéim den chomhairliúchán, a seoladh i mí Dheireadh Fómhair 2023, ar nuachóiriú a dhéanamh ar thuairisciú CBL ó Ghnó go Gnó (B2B) agus ó Ghnó go Rialtas (B2G), le tacaíocht ó ríomhShonrascú.
Fuarthas os cionn 1,100 freagra, agus tháinig formhór na bhfreagraí ó ghnóthaí laistigh den ghréasán CBL. Rinne roinnt gnóthaí comhairleacha agus cuntasaíochta cánach, grúpaí ionadaíocha gairmiúla, soláthraithe bogearraí agus comhlachais ghnó tíolacthaí freisin. Aithníonn agus gabhann na Coimisinéirí Ioncaim buíochas leo siúd go léir a ghlac an t-am chun cur leis an bpróiseas.
Tá clár dea-dheartha um Nuachóiriú CBL ina thosaíocht ar chonair na gCoimisinéirí Ioncaim chun tacú le comhlíontacht CBL do ghnóthaí agus feabhas a chur ar éifeachtacht ár riarachán cánach. Dá bhrí sin, beidh ról lárnach ag an ionchur a fhaightear ó ghnóthaí agus ó gheallsealbhóirí eile maidir leis an bplé a bhaineann le nuachóiriú CBL a mhúnlú agus déanfar athbhreithniú agus breithniú ar gach moladh, ábhar imní agus moladh a chuirfear isteach de réir mar a théann an clár chun cinn.
Ba é an comhairliúchán luathchéime seo an chéad chéim inár rannpháirtíocht leis an bpobal CBL maidir le nuachóiriú CBL. Tá tuilleadh comhairliúcháin agus rannpháirtíocht phoiblí eile le teacht, de réir mar a thagann cruth níos soiléire ar thograí athchóirithe, go ndéantar iad a thástáil, a bheachtú agus a chur i bhfeidhm.
Report on the initial public consultation process
[CRÍOCH 27/06/2024]