Cócaon ar luach €134,000 gafa ag na Coimisinéirí Ioncaim ag Aerfort Bhaile Átha Cliath
Dé Sathairn, 02/11/2024, mar thoradh ar oibríocht bunaithe ar fhaisnéis, ghabh oifigigh na gCoimisinéirí Ioncaim 1.9 kgs de chócaon ar luach measta €134,000 ag Aerfort Bhaile Átha Cliath. Aimsíodh na drugaí aindleathacha nuair a stop agus chuardaigh oifigigh de chuid na gCoimisinéirí Ioncaim bagáiste paisinéara a tháinig ar eitilt ó Pháras.
Gabhadh bean ina 30idí agus rinne Garda Síochána í a chúiseamh ina dhiaidh sin. Tháinig sí os comhair na gcúirteanna níos luaithe inniu. Tá imscrúduithe fós ar siúl.
Tá an urghabháil seo mar chuid d’oibríochtaí leanúnach na gCoimisinéirí Ioncaim a dhíríonn ar iompórtáil drugaí neamhdhleathacha. Má tá aon eolas ag gnóthaí nó ag an bpobal maidir le smuigleáil, féadann siad teagmháil a dhéanamh leis na Coimisinéirí Ioncaim faoi rún, trí glaoch a chur ar 1800 295 295.
[CRÍOCH 06/11/2024]