Fuinneog Aonair Custam/CERTEX

Léargas ginearálta

Tá an Fhuinneog Aonair Custam/CERTEX deartha chun scaoileadh níos éifeachtúla a sholáthar ar earraí áirithe ag teorainn an Aontais Eorpaigh. Baintear é seo amach trí shonraí a roinnt go leictreonach idir gníomhaireachtaí rialtais.

In Éirinn, is iad na gníomhaireachtaí rialtais ábhartha ná:

• Na Coimisinéirí Ioncaim
• an Roinn Talmhaíochta, Bia agus Mara (RTBM)
• Feidhmeannacht na Seirbhíse Sláinte (FSS)
• agus
• an Gníomhaireacht um Chaomhnú Comhshaoil (GCC).

Tá an Fuinneog Aonair Custam/CERTEX ag feidhmiú in Éirinn ó 2015. Cuireadh an céim is deireanaí den Fhuinneog Aonair i bhfeidhm ar an 28 Feabhra 2023.

Cé a bhaineann leas as an gcéim is déanaí seo den Fhuinneog Aonair Custam/CERTEX?

Na gnóthaí sin a iompórtálann earraí lena dteastaíonn na deimhnithe seo a leanas:

• Doiciméad Choiteanna Iontrála Sláinte (DCIS)
• Deimhniú Cigireachta le haghaidh Comhréireacht Orgánach (DC).

Cad iad na hathruithe a tugadh isteach?

Leis an gcéim seo, tugadh isteach meaitseáil leictreonach de na sonraí a leanas arna ndearbhú ar an dearbhú iompórtála custam, agus an DCIS agus DC gaolmhar:

• Uimhir thagartha deimhnithe
• Cód AC (suas go dtí 8 ndigit)
• Mais ghlan nó aonaid fhorlíontacha.

Tá tuilleadh sonraí faoin gcaoi a n-oibríonn an córas ar fáil in Fuinneog Aonair Custam/CERTEX.

An gcuirfear teastais agus ceadúnais bhreise leis?

Cuirfear réimsí breise leis sa chéad chéim eile, lena n-áireofar:

• Substaintí Ídithe Ózóin (ODS)
• Gáis Cheaptha Teasa Fluairínithe (F-ghás)
• Earraí cultúir a iompórtáil
• agus
• Sásra Coigeartaithe Carbóin ar Theorainneacha (SCCT).

Tabhair do d'aire

Nuashonrófar an leathanach seo le faisnéis bhreise agus muid ag druidim le dáta cur chun feidhme do gach céim den Fhuinneog Aonair.

Tuilleadh eolais

Má tá ceisteanna ar leith agat, féadfaidh tú teagmháil a dhéanamh le haon cheann de na seolta ríomhphoist a leanas, agus Fuinneog Aonair/CERTEX a chur isteach i líne an ábhair:

Na Coimisinéirí Ioncaim: ecustoms@revenue.ie 
DAFM:                                importcontrols@agriculture.gov.ie
HSE:                                   importcontroldublin@hse.ie
                                           importcontrolrosslare@hse.ie 

An Ghníomhaireacht um Chaomhnú Comhshaoil (GCC) : fgases@epa.ie