Calafoirt agus aerfoirt custam le haghaidh teacht agus imeacht árthaí agus aerárthaí

Aerfoirt ceaptha ag Custaim

Tá dhá chineál aerfort a cheapann custaim, Cineál I agus Cineál II.

Aerfort custam, Cineál I

De ghnáth, déileálann na haerfoirt seo le gníomhaíochtaí eitiltí sceidealta le tíortha AE agus neamh-AE. Déileálann siad le lastaí freisin.

Tá na haerfoirt seo ceadaithe le haghaidh an mhéid seo a leanas freisin:

• teacht agus imeacht aerárthaí, paisinéirí, criú agus a mbagáiste
• agus
• earraí, stórais agus tíolacas a lódáil agus a dhílódáil.

Tá na haerfoirt seo a leanas in Éirinn ceaptha ag Custaim mar aerfoirt de Chineál I:

• Aerfort Bhaile Átha Cliath
• Aerfort Chorcaí
• Aerfort na Sionainne

Aerfort custam, Cineál II

Tá na haerfoirt seo níos lú agus déileálann siad go ginearálta le heitiltí chuig agus ó thíortha eile an AE. Iompraítear paisinéirí agus bagáiste ar na heitiltí ach ní iompraíonn siad lastaí. Bíonn coinníollacha breise de ghnáth i leith ceadú do na haerfoirt seo maidir le gníomhaíochtaí eitiltí a thuairisciú roimh ré.

Ní iompraíonn na haerárthaí seo earraí seachas bagáiste, breosla agus stórais.

Tá na haerfoirt seo a leanas in Éirinn ceaptha ag Custaim mar aerfoirt de Chineál II:

• Aerfort Iarthar Éireann Chnoc Mhuire
• Aerfort Dhún na nGall
• Aerfort Shligigh
• Aerfort Inis Oírr
• Aeradróm Inis Mór
• Aerfort Inis Méan
• Aeradróm Mhainistir Shruthla
• Aeradróm Bhiorra
• Aeradróm Chluain Bolg
• Aerfort Chonamara
• Aerfort Phort Láirge
• Aerfort Weston
• Aerfort Chill Chainnigh
• Aeradróm Chill Rois
• Aeradróm an Chaisleáin Nua
• Aeradróm Baile Átha Troim
• Aerfort Chiarraí
• Aeradróm Mhic Easmainn.

Ar aghaidh: Calafoirt ceaptha ag Custaim