Easpórtáil agus ath-iompórtáil Sealadach d'earraí

Easpórtáil Sealadach agus ath-iompórtáil d'earraí - dearbhú ó bhéal

Má dhéanann tú na hearraí seo a leanas a easpórtáil go sealadach chuig an mBreatain Mhór ar bhád farantóireachta agus iad a ath-iompórtáil ina dhiaidh sin, féadfaidh tú iad a dhearbhú chuig na Coimisinéirí Ioncaim trí dhearbhú ó bhéal:

• earraí pearsanta agus earraí chun críocha spóirt
• modh iompair, pailléid agus coimeádáin, agus a gcuid páirteanna spártha agus oiriúintí  (gheobhaidh tú tuilleadh eolais ar phacáistiú folaimh a easpórtáil agus a ath-impórtáil in iompórtáil agus ath-easpórtáil pacáistithe)
• uirlisí trádála
• uirlisí iniompartha ceoil iompórtáilte ag taistealaí beartaithe le húsáid mar threalamh gairmiúil
• trealamh leighis, máinliachta agus saotharlainne a sholáthraítear ar iasacht i gcás éigeandála d’ospidéal
• ábhair leasa do mharaithe a úsáidtear ar shoitheach i mbun tráchta muirí idirnáisiúnta
• ainmhithe, ar an gcoinníoll go bhfuil siad beartaithe le haghaidh gluaiseacht séasúrach idir fhéarach seasta samhraidh agus geimhridh nó féaraigh nó chun obair a dhéanamh nó le haghaidh iompair
• ionstraimí agus fearas riachtanach do dhochtúir chun cabhair a chur ar fáil d’othar ag fanacht ar thrasphlandú orgáin
• ábhar fóirithinte anachaine a úsáidtear chun éifeachtaí anachana, nó suíomhanna comhchosúla a fhritháireamh
• trealamh léiriúcháin agus craoltóireachta raidió agus teilifíse, agus feithiclí a chuirtear in oiriúint go speisialta lena n-úsáid leo.

Fógra Réamhbhordála (FRB)

Ní mór d’oibreoirí bád farantóireachta atá ag iompar earraí idir Éire agus An Bhreatain Mhór uimhir thagartha FRB a fháil ó na tiománaithe trucaile uile a thagann ar bord. 

Easpórtálacha - Ní mór don easpórtálaí nó ionadaí an t-easpórtálaí FRB bailí a chomhlánú agus é a chur ar fáil do Chustaim na hÉireann sula bhfágann na hearraí Éire ar a mbealach go dtí an Bhreatain Mhór.

Ath-Iompórtálacha - Ní mór d’iompórtálaí nó ionadaí an t-iompórtálaí FRB bailí a chomhlánú agus é a chur ar fáil do Chustaim na hÉireann sula bhfágann na hearraí an Bhreatain Mhór ar an mbealach go hÉirinn. 

Sa chás go bhfuil earraí ag bogadh idir Éire agus An Bhreatain Mhór ag úsáid dearbhú ó bhéal, ba chóir duit ríomhphost a chur ag  CustomsPBN@revenue.ie agus FRB agus aitheantas FRB a iarraidh.

Ba chóir duit an méid seo a leanas a chur san áireamh i do ríomhphost chuig CustomsPBN@revenue.ie: 

• d’ainm agus do sheoladh
• dáta easpórtála/ath-iompórtála
• cur síos, líon agus luach na n-earraí
• áit úsáide
• fáth úsáide
• tréimhse fanachta
• uimhir cláraithe feithicle

Nuair a iarann tú do FRB ag an ath-impórtáil, ba chóir duit sonraí na n-earraí easpórtáilte a chur san áireamh, lena n-áirítear an dáta easpórtála agus an aitheantas FRB easportála.
Ní mór duit do chuid earraí agus cóip de do r-phost a chur i láthair chuig Custaim ag an gcalafort sula ndéantar iad a easpórtáil agus a ath-iompórtáil.

Tuilleadh eolais

Má theastaíonn tuilleadh eolais uait, déan teagmháil le Custaim.