Rialacha agus nósanna imeachta um chead isteach sealadach

Nós imeachta ag tráth na hatheaspórtála

Ní mór duit na hearraí a atheaspórtáil sula dtéann an tréimhse le haghaidh cead isteach sealadach in éag. Ba chóir na hearraí a chur i láthair na gCoimisinéirí Ioncaim ag oifig na heaspórtála in am le go bhféadtar scrúdú a dhéanamh ar na hearraí roimh an easpórtáil. Ní mór ceann díobh seo a bheith agat chomh maith (ag brath ar an gcaoi ar dhearbhaigh tú d’earraí ag tráth na hiompórtála):

• dearbhú leictreonach easpórtála
• carnet ATA
• cóip den fhoirm fardail um dhearbhú ó bhéal.

Earraí a dhearbhaítear le dearbhú leictreonach iompórtála

Má dearbhaíodh d’earraí le haghaidh cead isteach sealadach le dearbhú leictreonach iompórtála, ba chóir duit dearbhú leictreonach easpórtála a chomhlánú nuair atá d’earraí á n-atheaspórtáil.

Ba chóir duit an méid seo a leanas a chur san áireamh le do dearbhú:

• DE 11 09 001 000 – an chéad dá dhigit ba chóir a bheith ann ná an nós imeachta faoina bhfuil na hearraí á n-easpórtáil
• Is é DE 11 09 002 000 ná Procedure code 53
• DE 12 04 001 000 uimhir an dearbhaithe leictreonaigh iompórtála a úsáideadh ag an tráth a iompórtáladh na hearraí
• DE 12 04 002 000 cód 1Q28.

Cén chaoi le héileamh a dhéanamh ar aisíocaíocht dleachta a íocadh ar éarlais

Nuair a dhéantar na hearraí a atheaspórtáil, féadtar éileamh a dhéanamh ar aisíocaíocht i leith aon dleacht a íocadh.

Má rinne tú iompórtáil agus atheaspórtáil ar d’earraí le dearbhú leictreonach, ba chóir duit d’éileamh ar aisíocaíocht a dhéanamh tríd an gcóras CIU trí 'iarratas ar aisíocaíocht taisce' a dhéanamh. Féadtar tuilleadh eolais a fháil i rannán 7.22 den AIS Trader Portal Guide.

Earraí a dhearbhaítear faoi carnet ATA

Má úsáidtear carnet ATA ag tráth na hiompórtála, ba chóir na hearraí seo a dhearbhú ar an taobh lastall den dearbhán iompórtála. Ba chóir duit an uimhir aitheantais chéanna a úsáid ar an dearbhán easpórtála seo is a bhí ar an dearbhán iompórtála nuair a dearbhaíodh na hearraí le haghaidh iompórtála. Má tá gach rud in ord, déanfaidh na Coimisinéirí Ioncaim an dearbhán atheaspórtála agus an comhdhuille a stampáil agus a shíniú. Chomh maith leis sin, bainfidh na Coimisinéirí Ioncaim an dearbhán de agus seolfaidh an carnet ar ais chugat.

Earraí a dhearbhaítear faoi dhearbhú ó bhéal do chustaim

Ba chóir do chóip den fhoirm Fardail um dhearbhú ó bhéal a chur i láthair na gCoimisinéirí Ioncaim ag tráth na heaspórtála. Sa chás go ndéantar na hearraí uile a atheaspórtáil mar is ceart, déanfaidh oifigeach de chuid na gCoimisinéirí Ioncaim do chóip den fhoirm a stampáil agus a shíniú.

Tuilleadh eolais

Má tá tuilleadh eolais uait, déan teagmháil leis an Aonad um Údaruithe agus Faoisimh.