Bronntanas a fháil ó thaobh amuigh den Aontas Eorpach (AE)
Cén ráta Dleachta Custam a ghearrtar ar choinsíneachtaí bronntanais?
Mura sáraíonn luach iomlán do choinsíneacht bronntanais €700, féadtar ráta comhréidh Dleachta Custam 2.5% a chur i bhfeidhm. Baineann an ráta comhréidh seo le Dleacht Custam amháin, ní le Cáin Bhreisluacha (CBL) nó Dleacht Mháil. Agus tú ag ríomh cé acu an bhfuil an teorainn €700 sáraithe nó nach bhfuil, ba chóir na nithe seo a leanas a fhágáil as an áireamh:
- luach aon earra(í) aonair a cháilíonn faoin liúntas faoisimh bronntanais €45
- luach aon earraí nach bhfuil faoi réir Dleacht Custam
- agus
- luach táirgí tobac.
Féadann an t-iompórtálaí roghnú táillí a íoc ar na hearraí ag an ngnáthráta Dleachta Custam a chuirtear i bhfeidhm.
Má sháraíonn luach iomlán do choinsíneachta bronntanais €700, beidh ‘gnáthrátaí’ Dleachta Custam i bhfeidhm ar na hearraí éagsula sa choinsíneacht.
Tabhair do d’aire
Ní áirítear earraí a cháilíonn faoin bhforáil faoisimh bronntanais €45.
Braitheann an ráta Dleachta Custam atá i bhfeidhm ar an gcineál earraí a iompórtálann tú. Féadtar na rátaí uile a fháil in TARIC.
Tugann an tábla seo a leanas roinnt samplaí:
Samplaí rátaí Dleachta Custam
| Líon agus luach na n-earraí bronntanais | Dleachtanna iníoctha ag tráth na hiompórtála |
|---|
|
Earra amháin ar luach €45
|
Faoiseamh tugtha ar an méid iomlán.
|
|
Earra amháin ar luach €55
|
Níl faoiseamh bronntanais infheidhme. Mar sin féin, cuirtear faoiseamh luacha diomaibhseach i bhfeidhm i dtaca leis an Dleacht Custam (toisc go bhfuil luach níos lú ná €150 ag an earra). CBL iníoctha ar an méid iomlán.
|
|
Cúig earra ar luach €10 an ceann
|
Faoiseamh bronntanais ar cheithre earra. Earra amháin faoi réir Dleacht Custam (gnáthráta nó ráta comhréidh 2.5%) agus CBL ar a luach iomlán (sa chás seo, €10).
|
|
Earra amháin ar luach €710
|
Dleacht Custam ag an ngnáthráta agus CBL iníoctha ar an méid iomlán luach custam ag an ngnáthráta dleachta.
|
Ar aghaidh: Nós imeachta ag tráth na hiompórtála