Baile   Fostú daoine   Teacht duit chun bheith i d'fhostóir agus oibleagáidí leanúnacha  

Eolas ar thíolacadh párolla

  1. Léargas ginearálta
  2. Cé a chuirtear san áireamh ar thíolacadh párolla?
  3. Cé na sonraí pá fostaí is gá a chur san áireamh?
  4. Cé na sonraí eile is gá a chur san áireamh i dtíolacadh párolla?
  5. Cén fhaisnéis ar shochair is gá a chur ar fáil?
  6. Aitheantóir Fostaíochta
  7. Sainmhíniú ar dáta pá
  8. Ceartúcháin

Ceartúcháin

Tabhair do d’aire

Baineann an t-eolas ar an leathanach seo le do dhualgais reatha. Chun eolas a fháil ar do dhualgais roimh 1 Eanáir 2019, féach ar an treoir d’fhostóirí in Employers Guide to PAYE.

Glacann muid go dtarlaíonn botúin i bpárolla. Féadfaidh tú do thíolacadh a cheartú trí do bhogearra párolla nó trí Seirbhís ar Líne na gCoimisinéirí Ioncaim (ROS).

Ró-íocaíochtaí

Má rinneadh ró-íocaíocht le fostaí, ba chóir an ceartúchán chun an ró-íocaíocht a fháil ar ais a dhéanamh ag am na chéad babhta párolla ina dhiaidh.

  • Sampla 1

    Íoctar €500 sa tseachtain le Seán. I seachtain 1, bhí Seán tinn ar feadh lá amháin. Ní íocann a fostóir é le haghaidh saoire bhreoiteachta agus mar sin, ba cheart nach bhfaighidh sé ach €400 an tseachtain sin. Níor insíodh an oibritheoir párolla in am, áfach, agus íocadh an €500 iomlán leis.

    Sonraí an tíolactha párolla sheachtain 1 i leith Sheáin
    Tagairt babhta párollaPá chun críocha Cánach IoncaimCáin Ioncaim a íocadhÁSPC Fostaí a íocadh  MSU a íocadh
    Seachtain 1 €500 €34.61 €20.50 €8.80

    Gheobhaidh fostóir Sheáin an ró-íocaíocht €100 ar ais sa chéad babhta párolla eile. Íoctar €500 sa tseachtain le Seán, mar sin laghdófar pá comhlán Sheáin go €400 i Seachtain 2. 

    Sonraí an tíolactha párolla sheachtain 2 i leith Sheáin
    Tagairt babhta párollaPá chun críocha Cánach Ioncaim Cáin Ioncaim a íocadhÁSPC Fostaí a íocadh MSU a íocadh
    Seachtain 1 €500 €34.61 €20.50 €8.80
    Seachtain 2 €400 €14.61 €16.40 €5.70

Gearríocaíochtaí

Má rinneadh gearríocaíocht, ba chóir ceartúchán na gearríocaíochta a dhéanamh ag am na chéad babhta párolla ina dhiaidh.

  • Sampla 2

    Íoctar €500 sa tseachtain le Máire. I seachtain 1, rinne Máire ragobair, rud a chiallaigh gur chóir €100 breise a íoc léi. Níor cuireadh an t-oibritheoir párolla ar an eolas in am agus mar sin níor íocadh ach €500 seachas €600 léi.

    Sonraí an tíolactha párolla sheachtain 1 i leith Mháire
    Tagairt babhta párollaPá chun críocha Cánach Ioncaim   Cáin Ioncaim a íocadhÁSPC Fostaí a íocadh   MSU a íocadh 
    Seachtain 1 €500  €34.61  €20.50  €8.80

    Tá sé aontaithe ag fostóir Mháire an €100 a íoc sa chéad babhta párolla eile. Tá pá comhlán €500 sa tseachtain ag Máire agus, mar sin, méadaíodh a pá comhlán go €600 i Seachtain 2 chun an ghearríocaíocht a cheartú. 

    Sonraí an tíolactha párolla sheachtain 1 i leith Mháire
    Tagairt babtha párollaPá chun críocha Cánach Ioncaim   Cáin Ioncaim a íocadhÁSPC Fostaí a íocadh   MSU a íocadh 
    Seachtain 1 €500  €34.61  €20.50  €8.80
    Seachtain 2 €600  €54.61  €24.60  €13.30

Sonraí mícheart ar thíolacadh

Má thuairiscíonn tú sonraí mícheart ar thíolacadh, féadfar leasuithe a dhéanamh don tíolacadh chun an botún a cheartú.  Ní mór duit an tíolacadh a cheartú roimh dháta dlite an thuairisceáin chun pionóis a sheachaint.

  • Sampla 3

    Íocadh €500 le Pádraig i seachtain 1. Thuairiscigh an fostóir, áfach, a phá mar €5,000 go mícheart sa tíolacadh párolla.

    Sonraí an tíolactha párolla sheachtain 1 i leith Phádraig
    Tagairt babtha párollaUimhir Aitheantais na míre línePá chun críocha Cánach Ioncaim  Cáin Ioncaim a íocadhÁSPC Fostaí a íocadh  MSU a íocadh 
     Seachtain 1 E3-v1 €5,000 €1,793.07 €205 €339.16

    Sa chás seo, ba chóir don fhostóir tíolacadh párolla ceartaithe a thíolacadh a thiocfaidh in áit an leagain mhíchirt. Ba chóir don fhostóir Uimhir Aitheantais na Míre Líne don bhunthíolacadh mícheart a chur isteach sa réimse 'Uimhir aitheantais na míre líne roimhe'.

    Sonraí an tíolactha párolla sheachtain 1 ceartaithe i leith Phádraig
    Tagairt babtha párollaUimhir Aitheantais na míre línePá chun críocha Cánach Ioncaim  Cáin Ioncaim a íocadhÁSPC Fostaí a íocadh   MSU a íocadh Uimhir Aitheantais na 
    Míre Líne Roimhe
    Seachtain 1 E3-v2 €500 €34.61 €20.50 €8.80 E3-v1

Nuair a bheidh gach ceartúchán bailí tíolactha ag fostóir agus an tíolacadh próiseáilte againn, tabharfar iomlán an airgeadais cothrom le dáta.  Más i leith tréimhse bhilleála roimhe sin a bhaineann an ceartúchán, eisofar tuairisceán athbhreithnithe don tréimhse sin.

Foilsithe: 11 Samhain 2024 Priontáil an leathanach seo

Leathanach baile Ar ais go barr