Baile   Fostú daoine   Teacht duit chun bheith i d'fhostóir agus oibleagáidí leanúnacha  

Íocaíochtaí le fostaithe

  1. Léargas ginearálta
  2. Stiúrthóirí
  3. Pá saoire agus réamhíocaíochtaí
  4. Sochar comhchineáil
  5. Scáth-phárolla

Stiúrthóirí

Baineann an córas Íoc Mar a Thuillir (ÍMAT) le stiúrthóirí dílseánaigh agus le stiúrthóirí neamhdhílseánaigh ar an gcaoi chéanna le gach fostaí eile.

Ní mór Fógra Párolla na gCoimisinéirí Ioncaim (FPCI) a iarraidh agus na sonraí a léirítear ann a chur i bhfeidhm ar phá an stiúrthóra. Ní mór aon íocaíochtaí a dhéantar le stiúrthóirí a thuairisciú do na Coimisinéirí Ioncaim ar an dáta pá seo, nó roimhe. 

Iarrtar ar Stiúrthóirí Dílseánaigh fós Foirm 11 a chomhlánú. Aon ioncam a fhaigheann stiúrthóir dílseánaigh i ndáil leis an stiúrthóireacht sin, ioncam inmheasúnaithe atá ann ar bhonn tuilleamh. Ciallaíonn sé seo go ngearrtar cáin ar an ioncam sa tréimhse ina dtuilltear é. Aon ioncam a fhaigheann stiúrthóir neamhdhílseánaigh, ioncam inmheasúnaithe atá ann ar bhonn fáltas. Ciallaíonn sé seo go ngearrtar cáin ar an ioncam sa tréimhse ina bhfaightear é.

Stiúrthóirí dílseánaigh 

Tá stiúrthóirí dílseánaigh faoi réir féinmheasúnaithe, is cuma cé acu an bhfuil ioncam acu nó nach bhfuil. Sa chás go gceadaítear tuarastal stiúrthóra, ní mór ÍMAT a oibriú ar an dáta a dhéantar an íocaíocht. 

Féadfaidh sé go n-íoctar díolaíochtaí breis agus sé mhí tar éis dheireadh na bliana cuntasaíochta. Meastar gur íocadh ar an lá deiridh den bhliain roimhe iad.

Ní mór leasú don tíolacadh párolla don tréimhse sin a leasú agus é a atíolacadh do na Coimisinéirí Ioncaim.

  • Sampla 1

    Tréimhse chuntasaíochta: 1 Eanáir 2023 – 31 Nollaig 2023

    Dearbhaíodh táille €10,000 agus íocadh leis an stiúrthóir dílseánaigh é i mí an Mhárta 2024. Déantar tíolacadh párolla a thíolacadh i mí an Mhárta 2024. Sonraítear anseo sonraí faoi thuarastal an stiúrthóra agus na díolaíochtaí don tréimhse sin, lena n-áirítear an táille €10,000. Is é an dáta íocaíochta a thuairiscítear ar an tíolacadh párolla ná an dáta a dhéantar an íocaíocht leis an stiúrthóir dílseánaigh. 

    Ríomhann an córas ÍMAT an cháin atá dlite ar na híocaíochtaí a fhaigheann stiúrthóir nó fostaí i mbliain mheasúnaithe. Déantar, áfach measúnú ó thaobh cáin ioncaim ar stiúrthóirí dílseánaigh i ndáil leis an tsuim a thuilltear go hiarbhír i mbliain measúnaithe.

    Dá bhrí sin, ní mór an €10,000 a bheith dearbhaithe ag an stiúrthóir dílseánaigh sa tuairisceán Cánach Ioncaim do 2023, an bhliain a tuilleadh é. 

  • Sampla 2

    Déantar an íocaíocht chéanna leis an stiúrthóir dílseánaigh i mí Iúil 2024.

    Ar an ábhar go ndearnadh an íocaíocht breis agus 6 mhí tar éis dheireadh na bliana cuntasaíochta. Mar sin, meastar gur íocadh an íocaíocht ar 31 Nollaig 2023. Ní mór an tíolacadh párolla do mhí na Nollaig 2023 a leasú chun an €10,000 a chur san áireamh. 

    Ba chóir don stiúrthóir dílseánaigh, chomh maith, an táille €10,000 a chur san áireamh ar an tuairisceán Cánach Ioncaim do 2023.

Ar aghaidh: Pá saoire agus réamhíocaíochtaí

Foilsithe: 06 Eanáir 2025 Priontáil an leathanach seo

Leathanach baile Ar ais go barr