Baile   Fostú daoine   Teacht duit chun bheith i d'fhostóir agus oibleagáidí leanúnacha  

Unlinked payslips and Personal Public Service Number

Tagann duillíní pá gan nasc  chun cinn nuair nach gcuirtear Uimhir Phearsanta Seirbhíse Poiblí (UPSP) an fhostaí san áireamh ar na duillíní pá a thíolactar. D'fhéadfadh sé seo fadhbanna a chruthú do d'fhostaithe. Sa chás go bhfuil faisnéis ar iarraidh, d’fhéadfaí:

  • Ráitis dliteanais míchearta a eisiúint
  • Achoimrí Sonraí Fostaíochta míchearta a eisiúint
  • agus
  • ranníocaíochtaí míchearta Árachais Shóisialaigh Pá-Choibhneasa (ÁSPC) a thuairisciú don Roinn Coimirce Sóisialaí.

D'fhéadfadh iarmhairtí gearrthéarmacha nó fadtéarmacha a bheith aige freisin don fhostaí agus é ag iarraidh rochtain a fháil ar shochair Stáit.

Féadtar é seo a cheartú go siarghabhálach tríd an UPSP a chur le gach duillín pá a luaithe a sholáthraíonn an fostaí a UPSP.

Má thíolacann tú duillín pá gan UPSP, ní mór duit na sonraí seo a leanas a thíolacadh ar dhuillín pá an fhostaí:

  • Céadainm
  • Sloinne
  • Dáta breithe
  • Seoladh
  • agus
  • Uimhir Thagartha Cánach.

Úsáideann na Coimisinéirí Ioncaim Tagairt an Fhostóra agus ainm chun críocha meaitseála uathoibríche. Agus UPSP d'fhostaí á thuairisciú do na Coimisinéirí Ioncaim den chéad uair, ní mór duit na sonraí ar gach duillín pá a tíolacadh roimhe seo a leasú.

Ní mór duit a chinntiú go bhfuil 'Uimhir Thagartha an Fhostóra' agus 'Ainm' na bhfostaithe ag teacht leis na sonraí ar gach duillín pá a tíolacadh roimhe seo. Mura bhfuil na sonraí seo ag teacht le chéile, ní bheidh na tíolacthaí seo nasctha go dtí go gceartóidh an Fostóir iad agus, nó go gcuirfear an UPSP leis.

Chun taifid na bhfostaithe a choinneáil, tá sé ríthábhachtach go seiceálfaidh fostóirí an fhaisnéis atá acu. Is féidir botúin litrithe maidir leis an chéad ainm nó an tsloinne agus, nó dáta breithe, a cheartú ar dhuillíní pá a tíolacadh roimhe seo. Ní mór é seo a dhéanamh sula dtíolactar an UPSP den chéad uair. Sa chás nach ndéantar é seo, ní mór duit na leasuithe a dhéanamh ar na duillíní pá roimhe seo. Ní mór duit a chinntiú freisin go bhfuil na taifid ceart ar gach tíolacadh amach anseo.

Iarrann na Coimisinéirí Ioncaim ar d'fhostaithe 'Céadainm', 'Sloinne', 'Dáta breithe' agus 'Seoladh' a mheaitseáil de láimh le duillíní pá roimhe seo.

Seo thíos roinnt cásanna féideartha a d'fhéadfadh tarlú as a dtiocfaidh duillíní pá gan nasc chun cinn:

  • Sampla 1

    Tíolacann fostóir duillín pá do Sheán Ó Riain ar an 6 Eanáir gan UPSP. Tá céadainm, sloinne agus dáta breithe Sheáin, san áireamh mar aon le Tagairt Fostóra uathúil. Tíolacadh duillín pá eile gan UPSP ar an 3 Feabhra. Tá UPSP Sheáin curtha san áireamh ar dhuillín pá an 3 Márta.

    Cuireann an fostóir Aitheantas Fostaíochta Sheáin in áit Tagairt an Fhostóra. Mar sin féin, nuair a dhéantar iarracht na duillíní pá a nascadh gan UPSP Sheáin, teipeann ar an meaitseáil mar gheall ar an Tagairt Fostóra atá ar iarraidh ar dhuillín pá 3 Márta. Ní mór an duillín pá 3 Márta a leasú chun Tagairt an Fhostóra a chur san áireamh.

    Duillín Pá gan nasc
    Mír duillín pá Duillíní pá 1, 8, & 15 Meán Fómhair Duillín pá 22 Meán Fómhair Duillín pá ceartaithe 22 Meán Fómhair
    Céadainm  Seán  Seán  Seán
    Sloinne  Ó Riain  Ó Riain  Ó Riain
    Dáta breithe  01/01/1988  01 Eanáir 1988  01 Eanáir 1988
    UPSP  Gan soláthar  Gan soláthar  1234567s
  • Sampla 2

    Tosaíonn Jane Breathnach ag obair le ABC Corp i mí Iúil gan UPSP. Áirítear ar a céad duillín pá ar an 8 Iúil a céadainm, a sloinne agus a dáta breithe, mar aon le Tagairt Fostóra uathúil.

    Cuireann Jane a fostóir ar an eolas maidir le sloinne mílitrithe ar dhuillín pá an 8 Iúil. Ceartaíonn an fostóir é seo ar an duillín pá 15 Iúil. Tuairiscítear UPSP Jane ar dhuillín pá an 22 Iúil. Teipeann ar an nascadh, áfach, mar gheall ar neamhréir i sloinnte idir an 8 Iúil agus duillíní pá an 22 Iúil. Chun na taifid a nuashonrú i gceart, ní mór don fhostóir an sloinne a leasú agus an UPSP a chur san áireamh ar dhuillín pá an 8 Iúil lena chinntiú go n-éiríonn leis an nascadh.

    Tagairt an Fhostóra Ceartaithe
     Míreanna duillín pá  Duillín pá 8 Iúil  Duillín pá 15 Iúil  Duillín pá 22 Iúil Duillín pá ceartaithe 8 Iúil
    Céadainm  Jane  Jane  Jane  Jane
    Sloinne  Breathnach  Breathnach  Breathnach  Breathnach
    Dáta breithe  21/06/1995  21 Meitheamh 1995  21 Meitheamh 1995  21 Meitheamh 1995
    UPSP Gan soláthar  Gan soláthar  6543210A  6543210A
    Tagairt an Fhostóra  ACBCorp1  ACBCorp1  ACBCorp1  ACBCorp1
  • Sampla 3

    Tíolacann fostóir duillín pá do Sheán Plant ar an 6 Eanáir gan UPSP. Tá céadainm, sloinne agus dáta breithe Sheáin, san áireamh mar aon le Tagairt Fostóra uathúil. Tíolacadh duillín pá eile gan UPSP ar an 3 Feabhra. Tá UPSP Sheáin curtha san áireamh ar dhuillín pá an 3 Márta.

    Cuireann an fostóir Aitheantas Fostaíochta Sheáin in áit Tagairt an Fhostóra. Mar sin féin, nuair a dhéantar iarracht na duillíní pá a nascadh gan UPSP Sheáin, teipeann ar an meaitseáil mar gheall ar an Tagairt Fostóra atá ar iarraidh ar an duillín pá 3 Márta. Ní mór an duillín pá 3 Márta a leasú chun Tagairt an Fhostóra a chur san áireamh.

    Tagairt an Fhostóra Ceartaithe
     Mír duillín pá Duillín pá 6 Eanáir Duillín pá 3 Feabhra Duillín pá 3 Márta Duillín pá ceartaithe 3 Márta
    Céadainm Seán Seán Seán Seán
    Sloinne Plant Plant Plant Plant
    Dáta breithe 16/03/1965 16 Márta 1965 16 Márta 1965 16 Márta 1965
    UPSP Gan soláthar Gan soláthar 1234567LK 1234567LK
    Tagairt an Fhostóra PLC865TS PLC865TS Gan soláthar PLC865TS

Foilsithe: 12 Meitheamh 2024 Priontáil an leathanach seo

Leathanach baile Ar ais go barr