Scéim Fóirdheontais Pá Fostaíochta (SFPF)

Critéir cháilitheachta d'fhostóirí

Tabhair do d’aire

Tháinig deireadh leis an Scéim Fóirdheontais Pá Fostaíochta (SFPF) d’fhormhór na bhfostóirí ar an 30 Aibreán 2022 agus tiocfaidh deireadh leis do gach fostóir ar an 31 Bealtaine2022.

Chun cáiliú don SFPF, bhí ort an méid seo a leanas a chomhlíonadh:

• imréiteach cánach a bheith agat ó na Coimisinéirí Ioncaim. Féadtar stádas reatha d’imréitigh cánach a sheiceáil ar Sheirbhís ar Líne na gCoimisinéirí Ioncaim (ROS). Mura bhfuil imréiteach cánach reatha agat, féadtar iarratas a dhéanamh ag úsáid An ríomh sheirbhís Imréitigh Cánach.
• a léiriú, chun sástacht na gCoimisinéirí Ioncaim, an méid seo a leanas:
  • go raibh laghdú 30% ar láimhdeachas nó orduithe custaiméara do ghnó. Go raibh an tréimhse inar chóir don laghdú tarlú éagsúil, ag brath ar dhátaí pá na scéime
  • agus
  • go raibh an cur isteach seo ar ghnáthoibríochtaí mar thoradh ar COVID-19.

Dátaí pá idir an 1 Meán Fómhair agus an 31 Nollaig 2020

Le linn na ndátaí pá seo, ní mór duit a bheith in ann a léiriú go raibh laghdú 30% ar láimhdeachas nó orduithe custaiméara do ghnó idir an 1 Iúil agus an 31 Nollaig 2020. Tá an tréimhse ar chóir duit comparáid a dhéanamh idir an laghdú éagsúil, ag brath ar an dáta a thosaigh do ghnó ag trádáil.

Dátaí pá idir an 1 Eanáir agus an 30 Meitheamh 2021

Le linn na ndátaí pá seo, ní mór duit a bheith in ann a léiriú go raibh laghdú 30% ar láimhdeachas nó orduithe custaiméara do ghnó idir an 1 Eanáir agus an 30 Meitheamh 2021. Tá an tréimhse ar chóir duit comparáid a dhéanamh idir an laghdú éagsúil, ag brath ar an dáta a thosaigh do ghnó ag trádáil.

Dátaí pá idir an 1 Iúil 2021 agus cibé acu an 30 Aibreán nó an 31 Bealtaine 2022

Le linn na ndátaí pá seo, ní mór duit a bheith in ann a léiriú go raibh laghdú 30% ar láimhdeachas nó orduithe custaiméara do ghnó idir an 1 Eanáir agus an 31 Nollaig 2021. Tá an tréimhse ar chóir duit comparáid a dhéanamh idir an laghdú éagsúil, ag brath ar an dáta a thosaigh do ghnó ag trádáil.

Dátaí pá in 2022 d’fhostóirí a chuaigh isteach ar a scéim arís ón 1 Eanáir 2022

Le linn na ndátaí pá seo, ní mór duit a bheith in ann a léiriú go raibh laghdú 30% ar láimhdeachas nó orduithe custaiméara do ghnó idir an 1 Nollaig 2021 agus an 31 Eanáir 2022. Tá an tréimhse ar chóir duit comparáid a dhéanamh idir an laghdú éagsúil, ag brath ar an dáta a thosaigh do ghnó ag trádáil.

Seiceálacha comhlíontachta

Le cinntiú go n-oibrítear an scéim mar a beartaíodh, tá na Coimisinéirí Ioncaim ag tabhairt faoin méid seo a leanas:

• seiceálacha comhlíontachta riosca-bhunaithe i bhfíor-am
• clár leantach d’idirghabhálacha comhlíontachta. Tá an clár leantach seo á chur ar bun le fostóirí a léiríonn táscairí ard-riosca agus atá ag baint leas as an scéim. Tá an clár seo i gcomhréir le Cód Cleachtais na gCoimisinéirí Ioncaim um Iniúchóireacht agus Idirghabhálacha eile Comhlíontachta. Beidh idirghabhálacha a thosaíonn tar éis an 1 Bealtaine 2022 i gcomhréir leis an gCreat um Idirghabhálacha Comhlíontachta
• clár dearbhaithe deiridh. Tugtar cuireadh do na fostóirí uile a fuair SFPF féin-athbhreithniú deiridh a dhéanamh ag baint úsáid as an uirlis measúnaithe d’fhéin-athbhreithniú incháilitheachta.

Gnóthaí cúraim leanaí cáilitheacha

Cuireadh gnóthaí cúraim leanaí a cláraíodh de réir Alt 58C den Acht um Chúram Leanaí, 1991 san áireamh sa scéim. Bhí gnóthaí cúraim leanaí díolmhaithe ón gcoinníoll maidir le laghdú láimhdeachais ach bhí orthu an coinníoll maidir le himréiteach cánach a chomhlíonadh.

Ar aghaidh: Foirm athbhreithnithe d'incháilitheacht fostóirí