Baile   Fostú daoine  

Cáin ar íocaíochtaí leasa shóisialaigh – Sochar Breoiteachta (SB)

  1. Léargas ginearálta
  2. Cánachas ar Shochar Breoiteachta, Sochar Díobhála Ceirde agus Sochar Cumais Pháirtigh
  3. An méid Sochair Breoiteachta atá san áireamh i bhFógra Párolla na gCoimisinéirí Ioncaim (FPCI) an fhostaí
  4. Cén chaoi le fostaí atá ag fáil Sochar Breoiteachta a íoc?

Cén chaoi le fostaí atá ag fáil Sochar Breoiteachta a íoc?

Tabhair do d’aire

Baineann an t-eolas ar an leathanach seo le do dhualgais reatha. Chun eolas a fháil ar do dhualgais roimh 1 Eanáir 2019, féach ar an treoir d’fhostóirí in  Employers Guide to PAYE.

Sa chás go bhfuil scéim pá breoiteachta i bhfeidhm, níor chóir don fhostóir cáin a ghearradh ach amháin ar an sciar sin de thuarastal an fhostaí a bhaineann le pá. Bailíonn na Coimisinéirí Ioncaim an cháin dhlite i leith aon íocaíochtaí Sochair Breoiteachta de bhun chreidmheasanna cánach agus bhandaí ráta an fhostaí a laghdú. Ní mór d’fhostóirí na creidmheasanna cánach agus bandaí ráta a úsáid mar atá ar an Fógra Párolla na gCoimisinéirí Ioncaim (FPCI) leasaithe arna eisiúint ag na Coimisinéirí Ioncaim a úsáid. 

Seo thíos trí shampla a mhíníonn an chaoi a n-oibríonn an próiseas Sochair Breoiteachta sa chás:

  • go n-íoctar an Sochar Breoiteachta go díreach leis an bhfostóir (Sampla 1)
  • go n-íoctar an Sochar Breoiteachta go díreach leis an bhfostaí (Sampla 2)
  • nach n-oibríonn an fostóir scéim pá breoiteachta (Sampla 3).
  • Sampla 1

    Íoctar Pádraig go seachtainiúil (is é an Aoine an lá pá) agus thug sé treoir don Roinn Coimirce Sóisialaí (RCS) aon Sochar Breoiteachta a íoc go díreach lena fhostóir. Bhí sé tinn ón Luan, 11 Márta 2024.  

    Lá pá: Dé hAoine, 15 Márta 2024

    D’íoc an fostóir Pádraig mar is gnáth, ar an ábhar nach n-íocann an RGFCS aon Sochar Breoiteachta do na chéad trí lá d’éileamh.

    Lá pá: Dé hAoine, 22 Márta 2024

    Fuair an fostóir íocaíocht €200 ón RCS. Íoctar €500 sa tseachtain le Pádraig de ghnáth. Chun críocha cánach, níor chóir an €200 a áireamh nuair atá ÍMAT, MSU nó ÁSPC á ríomh. Laghdaíonn an fostóir an pá seachtainiúil incháinithe chuig €300 (€500 – €200).

    Lá pá: Dé hAoine, 29 Márta 2024

    FiD’fhill an fostaí ar an obair Dé Máirt, 26 Márta. Tháinig FPCI leasaithe ó na Coimisinéirí Ioncaim le creidmheasanna cánach agus banda ráta laghdaithe. Ní ghearrann an fostóir ach an sciar den tuarastal a bhaineann le pá ar an ábhar go bhfuil an Sochar Breoiteachta san áireamh ar an FPCI leasaithe. 

    Ní mór don fhostóir gan an Sochar Breoiteachta a fhaightear ar an tíolacadh párolla a sheoladh ar ais chuig na Coimisinéirí Ioncaim.

  • Sampla 2

    Íoctar Niamh go coicísiúil agus oibríonn a fostóir scéim pá breoiteachta. Chuaigh sí amach ar saoire bhreoiteachta ón 4 Márta 2024 agus tá na híocaíochtaí uile Sochair Breoiteachta á n-íoc go díreach léi.

    Lá pá: De hAoine, 9 Márta 2024

    D’íoc an fostóir Niamh mar is gnáth.

    D'fhill Niamh ar an obair ar an 18 Márta 2024. D’íoc an RCS Sochar Breoiteachta €230 léi, rud a thug sí dá fostóir. Tháinig FPCI leasaithe ó na Coimisinéirí Ioncaim ar an 19 Márta 2024 le creidmheasanna cánach agus banda ráta laghdaithe.

    Is gá don fhostóir teagmháil dhíreach a dhéanamh le Niamh maidir le sonraí faoin éileamh Sochair Breoiteachta.

    Lá pá: De hAoine, 22 Márta 2024

    Ba chóir don fhostóir an pá incháinithe a laghdú de shuim an tSochair Breoiteachta a fhaightear go dtí seo (€230). Ba chóir dóibh ansin an FPCI leasaithe a fuarthas ar an 18 Márta 2024 a fheidhmiú.

  • Sampla 3

    Íoctar Áine go seachtainiúil agus tá sí ar saoire bhreoiteachta ó Déardaoin 31 Eanáir 2024.

    Íocadh í ar an Aoine, 1 Feabhra í as ucht na trí lá a d’oibrigh sí an tseachtain sin. Níor íoc an fostóir í ar an 8 nó 15 Feabhra toisc go raibh sí ar saoire bhreoiteachta go fóill.

    D’fhill Áine ar an obair Dé Luain, 18 Feabhra 2024 agus d’eisigh na Coimisinéirí Ioncaim FPCI leasaithe chuig an bhfostóir an lá dar gcionn. Áirítear san fhógra seo an tsuim Sochair Breoiteachta incháinithe a fuair Áine. 

    Ar an gcéad lá pá eile (Dé hAoine, 22 Feabhra), gearrtar cáin ar phá Áine mar is gnách. Gearrtar é seo don tréimhse ó 18 go dtí 22 Feabhra leis an FPCI leasaithe. 

Foilsithe: 12 Feabhra 2024 Priontáil an leathanach seo

Leathanach baile Ar ais go barr