Díolúine i leith maoine oidhreachta

Má fhaigheann tú oidhreacht nó má fhaigheann tú maoin oidhreachta áirithe mar bhronntanas, féadfaidh sé go bhfuil sé díolmhaithe ó Cháin Fáltas Caipitiúil (CFC).

Féadfadh go n-áireofaí le maoine oidhreachta:

• pictiúir
• priontaí
• leabhair
• lámhscríbhinní
• saothair ealaíne
• seodra
• nó
• bailiúcháin eolaíochta

An chaoi le cáiliú

Chun cáiliú don díolúine, ní mór duit na coinníollacha seo a leanas a chomhlíonadh:

• díol spéise naisiúnta, eolaíochta, stairiúil nó ealaíne atá i gceist leis an earra
• coinnítear an t-ábhar go buan sa Stát
• tá áiseanna réasúnta d’fhonn amharc ar fáil do:
  • baill an phobail
  • comhlachtaí aitheanta
  • nó
  • comhlachais daoine
• agus
• ní choinnítear an t-ábhar chun críche trádála.

Baineann an díolúine le tithe agus gairdíní sa Stát chomh maith sa chás go gcomhlíontar na coinníollacha seo a leanas:

• go raibh áiseanna réasúnta d’fhonn amharc ar fáil don phobal le linn na dtrí bliana roimh dháta an bhronntanais nó na hoidhreachta
• go leanfadh áiseanna réasúnta d’fhonn amharc de bheith ar fáil don phobail tar éis an bhronntanais nó na hoidhreachta a fháil
• agus
• nach gcoinnítear an mhaoin chun críche trádála.

Ní mór go mbeadh na Coimisinéirí Ioncaim sásta go bhfuil díol spéise náisiúnta, eolaíochta, stairiúil nó ealaíne an teach nó an gairdín.

Ní mór go bhfuil an t-ábhar nó an teach nó an gairdín mar chuid den bhronntanas nó den oidhreacht:

• ar dháta an bhronntanais nó na hoidhreachta
• agus
• dáta luachála.

Le héileamh a dhéanamh ar dhíolúine oidhreachta, ní mór Foirm IT38 a chomhlánú ar líne.

Díolúine a aistarraingt

Scoirfidh an díolúine de bheith i bhfeidhm má tá aon cheann díobh seo a leanas i gceist leis an rud díolmhaithe (seachas díol príobháideach le comhlachtaí aitheanta):

• taobh istigh de shé bliana ón dáta luachála
• agus
• roimh bhás an tairbhí 

Le linn na tréimhse, ábhar, teach nó gáirdín díolmhaithe atá faoi d'úinéireacht, scoirfidh an díolúine de bheith i bhfeidhm chomh maith má:

• áiseanna réasúnta d'fhonn amharc a tharraingt siar
• nó
• aon ábhar díolmhaithe a aistrítear taobh amuigh den Stát gan chead ó na Coimisinéirí Ioncaim.

Sa chás go n-aistarraingítear an díolúine, ní mór Foirm IT38  leasaithe a thíolacadh ar líne leis an díolúine a d’éiligh tú a bhaint.

Cén chaoi le díolúine a éileamh

Chun an díolúine do theach cónaithe a éileamh, ní mór duit Foirm tuairisceán CFC IT38 a thíolacadh ar líne. Ní mór duit an tuairisceán a thíolacadh trí moChúrsaí nó Seirbhís ar Líne na gCoimisinéirí Ioncaim (ROS).

Le haghaidh tuilleadh eolais, féach ar Do Thuairisceán Cánach Bronntanais nó Oidhreachta (IT38) a chomhlánú.