Cé a fhéadann teacht ar an tseirbhís ríomhChlárúcháin?

Céard iad na seirbhísí atá ar fáil i ríomh-Chlárúchán

Gníomhairí

Féadfaidh le gníomhairí a gcliaint a chlárú, a athchlárú agus a scor de na cánacha a sonraítear in ‘Céard iad na cánacha is féidir a chlárú agus a athchlárú le haghaidh agus a scor trí ríomh-Chlárúchán’, seachas Custaim agus Mál.

Chun clárúchán a scor nó athchlárú le haghaidh Custam agus Mál, déan teagmháil le eCustoms@revenue.ie. Tá tuilleadh sonraí maidir le clárúcháin Custam agus Máil ar fáil in Córas um Chlárú agus Aithint Oibreoirí Eacnamaíochta(EORI).

Nuair a thíolacainn gníomhaire iarratas ar chlárúchán, athchlárúchán nó scor ar líne ar son a gcliant, nascfar iad go huathoibríoch leis an gcliant sin don ceannteideal cánach sin. 

Ní mór don ghníomhaire Fógra um Nasc le Gníomhaire, sínithe ag an ngníomhaire agus an custaiméir, a uaslódáil sula bhféadtar an t-iarratas a chur i gcrích. Má thíolactar fógra neamhiomlán nó comhlánaithe go mícheart, féadfaidh na Coimisinéirí Ioncaim an Nasc Gníomhaire a chealú gan fógra roimh ré. Eiseofar fógraí cealaithe don ghníomhaire agus don chliant. Faoi seo, iarrtar ar an ngníomhaire an Nasc Gníomhaire a thíolacadh arís chun teacht ar chuntas a gcliaint leis na Coimisinéirí Ioncaim.

Féadfaidh gníomhairí nasc a dhéanamh le cliaint a bhfuil clárúchán cánach acu roimhe seo trí ROS. Teastaíonn Fógra um Nasc le Gníomhaire sínithe sa chás seo freisin.

Féadfaidh gníomhairí a nasc le cliant a bhaint trí ROS, ar an gcoinníoll go bhfuil nasc gníomhach ann cheana féin.

Féadfaidh gníomhairí custaiméirí a chlárú nach bhfuil cláraithe leis na Coimisinéirí Ioncaim, ar an gcoinníoll go mbaineann ceann díobh seo leis an gcustaiméir:

• gur duine é nó í a bhfuil UPSP aige nó aici
• nó
• gur cuideachta atá cónaitheach in Éirinn í a bhfuil uimhir bhailí leis an Oifig um Chlárú Cuideachtaí (OCC) acu.

Daoine aonair

Féadfaidh cliaint a bhfuil deimhniú digiteach ROS gníomhach acu an méid seo a leanas a dhéanamh:

• Naisc gníomhaire ghaolmhara a bhaint trí ROS.
• A gcuideachta a chlárú le haghaidh Cáin Corparáide ar an gcoinníoll go bhfuil uimhir leis an OCC acu.
• A gcuideachta a chlárú le haghaidh cánacha eile ar an gcoinníoll go bhfuil deimhniú digiteach ROS in ainm a gcuideachta acu. (Ní mór an chuideachta a bheith cláraithe le haghaidh Cáin Corparáide ar dtús sula ndéantar iarratas ar dheimhniú digiteach ROS).

Is iondúil go dtógann sé dhá nó trí lá go dtí go léirítear tíolacthaí ar líne trí ríomh-Chlárúchán i liosta cliant an ghníomhaire. 

Ar aghaidh: Cén chaoi le clárú