Baile   Creidmheasanna cánach pearsanta, faoisimh agus díolúintí   Talamh agus maoin  

Creidmheas Cánach Cíosa

  1. Léargas ginearálta
  2. Coinníollacha cáilithe do gach éilitheoir
  3. Tuilleadh coinníollacha ina n-úsáidtear maoin mar phríomháit chónaithe phríobháideach
  4. Tuilleadh coinníollacha ina n-úsáidtear maoin mar mhaoin thánaisteach
  5. Tuilleadh coinníollacha ina n-úsáideann do leanbh an mhaoin
  6. Cé mhéad a fhéadtar a éileamh?
  7. Cén chaoi le héileamh a dhéanamh

Cé mhéad a fhéadtar a éileamh?

Tabhair do d’aire

D'fhógair an tAire Airgeadais athruithe ar an eolas sin ina óráid bhuiséid ar an 1 Deireadh Fómhair 2024. Chun tuilleadh eolais a fháil, féach Buiséad 2025.

Laghdaíonn an Creidmheas Cánach Cíosa an méid Cánach Ioncaim atá tú dlite le híoc don bhliain chánach.

Chun leas a bhaint as an gCreidmheas Cánach Cíosa, ní mór go bhfuil dliteanas Cánach Ioncaim agat le fritháireamh ina aghaidh. Ní thugann an creidmheas faoiseamh in aghaidh an Mhuirir Shóisialaigh Uilíoch (MSU) ná Árachas Sóisialach Pá-Choibhneasa (ÁSPC).

Má sháraíonn an creidmheas dlite do dhliteanas Cánach Ioncaim, ní bheidh tú in ann leas iomlán a bhaint as an gcreidmheas.

Deonaítear faoiseamh cánach ag 20%.

I gcás 2024 agus 2025, is é seo a leanas an t-uasmhéid a fhéadtar a aisíoc ón gCreidmheas Cánach Cíosa:

  • €1,500 do lánúin faoi bhonn measúnaithe chomhpháirtigh
  • nó
  • €750 i ngach cás eile.

I gcás 2022 agus 2023, is é seo a leanas an t-uasmhéid a fhéadtar a aisíoc:

  • €1,000 do lánúin faoi bhonn measúnaithe chomhpháirtigh
  • nó
  • €500 i ngach cás eile.

Má sháraíonn an Creidmheas Cánach Cíosa do dhliteanas Cánach Ioncaim, ní fhéadfaidh tú ach aisíocaíocht páirteach a fháil. Bheadh an aisíocaíocht seo cothrom leis an dliteanas iomlán Cánach Ioncaim don bhliain.

  • Sampla 1

    Is duine singil í Jane agus rinne sí íocaíochtaí cíosa de €1,500 sa mhí in 2024. Is é €16,5000 dliteanas Cánach Ioncaim Jane le haghaidh 2024 tar éis gach creidmheas, faoiseamh agus liúntas eile.

    Sásaíonn Jane na coinníollacha uile a bhaineann leis an gCreidmheas Cánach Cíosa. Beidh Jane i dteideal creidmheas €750 in 2024, é mar an ceann is lú de na méideanna thíos: 

    Creidmheas Cánach Cíosa Jane
    Cur SíosSuim
    Iomlán na n-íocaíochtaí cíosa uile a rinne Jane de €18,000 ag 20% €3,600
    An tsuim sonraithe €3750 ag 20% €750
    An méid a theastaíonn dliteanas Cánach Ioncaim Jane a thabhairt go dtí nialas €16,500
  • Sampla 2

    Is lánúin faoin mbonn cóimheasúnaithe iad Ciarán agus Seán, agus rinne siad íocaíochtaí cíosa de €1,500 sa mhí i mí Eanáir agus mí Feabhra 2024.

    Is é Ciarán an céile inmheasúnaithe agus is é €24,000 dliteanas Cánach Ioncaim na lanúnine le haghaidh 2024 tar éis gach creidmheas, faoiseamh agus liúntas eile.

    Sásaíonn Ciarán na coinníollacha uile a bhaineann leis an gCreidmheas Cánach Cíosa. Beidh Ciarán i dteideal creidmheas €600 in 2024, é mar an ceann is lú de na méideanna thíos:

    Creidmheas Cánach Cíosa Chiaráin
    Cur SíosSuim
    Iomlán na n-íocaíochtaí cíosa uile a rinne Ciarán agus Seán de €3,000 ag 20% €600
    An tsuim sonraithe €7500 ag 20% €1,500
    An méid a theastaíonn chun dliteanas Cánach Ioncaim na lánúine a thabhairt go dtí nialas. €24,000 
  • Sampla 3

    Is duine singil é Ben agus rinne sé íocaíochtaí cíosa de €400 sa mhí in 2024. Cuireadh Ben ar iomarcaíocht in Aibreán 2024 agus níor oibrigh sé don chuid eile den bhliain sin.

    Is é €120 dliteanas Cánach Ioncaim Ben le haghaidh 2024 tar éis gach creidmheas, faoiseamh agus liúntas eile. Sásaíonn Ben na coinníollacha uile a bhaineann leis an gCreidmheas Cánach Cíosa. Beidh Ben i dteideal creidmheas €120 in 2024, é mar an ceann is lú de na méideanna thíos:

    Creidmheas Cánach Cíosa Ben
    Cur SíosSuim
    Iomlán na n-íocaíochtaí cíosa uile a rinne Ben de €1,600 at 20%, €320
    An tsuim sonraithe €3750 ag 20% €750
    An méid a theastaíonn chun dliteanas Cánach Ioncaim Ben a thabhairt go dtí nialas €120

Ar aghaidh: Cén chaoi le héileamh a dhéanamh

Foilsithe: 02 Deireadh Fómhair 2024 Priontáil an leathanach seo

Leathanach baile Ar ais go barr