Baile   Maoin  

Maoin eachtrach

  1. Léargas ginearálta
  2. Cuntas bainc eachtrach a oscailt
  3. Maoin eachtrach a fháil
  4. Cánacha a íoctar ar mhaoin eachtrach
  5. Ioncam cíosa ó mhaoin eachtrach
  6. Cáin Gnóthachan Caipitiúil (CGC) agus maoin eachtrach á diúscairt
  7. Caillteanais ar mhaoin eachtrach a dhiúscairt
  8. Faoiseamh i leith Cáin Gnóthachan Caipitiúil (CGC) Eachtrach

Faoiseamh i leith Cáin Gnóthachan Caipitiúil (CGC) Eachtrach

Má dhéanann tú maoin eachtrach a dhiúscairt, féadfaidh sé go mbeidh ort CGC a íoc sa tír ina bhfuil an mhaoin lonnaithe.

Ag brath ar do stádas cónaitheachta agus sainchónaitheachta, féadfaidh sé go mbeidh ort CGC Éireannach a íoc chomh maith.

Féadfaidh sé go mbeidh tú in ann cuid den CGC eachtrach atá íoctha agat, nó é uile, a asbhaint nuair a dhéanann tú ríomh ar an tsuim CGC Éireannaí atá dlite le híoc agat.

Cé mhéad a fhéadtar a asbhaint?

Braitheann an tsuim a fhéadtar a asbhaint ar cé acu an bhfuil nó nach bhfuil Comhaontú um Chánachas Dúbailte (CCD) déanta ag Éirinn leis an tír a bhfuil do mhaoin ann. 

Mura bhfuil CCD i bhfeidhm ag Éirinn a chlúdaíonn CGC, féadtar asbhaint a éileamh i leith an CGC eachtrach a íocadh.

Tabhair do d'aire

Féadfaidh sé go n-íocfaidh tú níos mó CGC eachtrach ná CGC Éireannach. Má íocann tú, ní fhéadtar creidmheas a éileamh ach go feadh na suime CGC Éireannach atá dlite le híoc agat.

Féadtar díolúine phearsanta €1,270 a asbhaint nuair a dhéanann tú ríomh ar an tsuim CGC atá dlite le híoc agat.

  • Sampla 1

    Tír a bhfuil CCD déanta aici le hÉirinn

    Tá Micheál cónaitheach in Éirinn. Cheannaigh sé maoin eachtrach in 2011 ar €100,000. Dhíol sé in 2023 é ar €201,270. D’íoc sé CGC eachtrach €15,000 air. Ní raibh aon ghnóthachain ná caillteanais eile aige an bhliain sin.

    Tá CCD ag Éirinn a chlúdaíonn CGC leis an tír a bhfuil maoin Mhichíl ann. Féadann Micheál creidmheas a éileamh don CGC eachtrach a íocadh i leith na suime CGC Éireannach atá dlite le híoc aige.

    CGC Éireannach Mhichíl a ríomh
    Cur síos   Suim
     An praghas díola  €201,270
     Lúide costais incheadaithe:  
     An praghas ceannaigh  €100,000
     Gnóthachan inmhuirir  €101,270
     Lúide díolúine phearsanta  €1,270
     Gnóthachan incháinithe Éireannach  €100,000
     CGC Éireannach (33% de €100,000)  €33,000
     Lúide an creidmheas CGC eachtrach  €15,000
     CGC Éireannach dlite  €18,000
  • Sampla 2

    Tír nach bhfuil CCD déanta aici le hÉirinn

    Tá Sorcha cónaitheach in Éirinn. Cheannaigh sí maoin eachtrach in 2011 ar €100,000. Dhíol sí in 2023 é ar €201,270. D’íoc sí CGC eachtrach €15,000. Ní raibh aon ghnóthachain ná caillteanais eile aici an bhliain sin.

    Níl CCD a chlúdaíonn CGC déanta ag Éirinn leis an tír a bhfuil maoin Shorcha suite ann. Féadann Sorcha asbhaint a éileamh don CGC eachtrach a íocadh.

    CGC Éireannach Shorcha a ríomh
    Cur síos   Suim
    An praghas díola  €201,270 
     Lúide costais incheadaithe:  
     An praghas ceannaigh  €100,000
     Gnóthachan inmhuirir  €101,270
     Lúide an CGC eachtrach a íocadh  €15,000
     Lúide díolúine phearsanta €1,270 
     Gnóthachan incháinithe Éireannach  €85,000
     CGC Éireannach (33% de €85,000)  €28,050

Foilsithe: 09 Feabhra 2024 Priontáil an leathanach seo

Leathanach baile Ar ais go barr