Baile   Maoin   Dleacht Stampála  

Dleacht Stampa agus léasanna

  1. Léargas ginearálta
  2. Tithe agus árasáin chónaitheacha
  3. Comhaontuithe, sannacháin agus géilltí
  4. An difríocht idir léas agus ceadúnas
  5. Rátaí
  6. Dleacht Stampa a íoc ar léas cónaithe
  7. Léas a leasú
  8. Socruithe eatramhacha

Rátaí

Meánchíos bliantúil

Ní mór duit Dleacht Stampa a íoc ar an meánchíos bliantúil. Braithfidh an ráta Dleachta Stampa a íocann tú ar thréimhse an léasa. Tá na rátaí reatha Dleachta Stampa leagtha amach thíos.

Ráta Dleachta Stampa ar an meánchíos bliantúil*
Tréimhse an léasaRáta Dleachta Stampa ar an meánchíos bliantúil

Tréimhse nach faide ná 35 bliain, nó tréimhse éiginnte

1%

Tréimhse níos faide ná 35 bliain, ach gan a bheith níos faide ná 100 bliain

6%

Níos mó ná 100 bliain

12%

*Bhí na rátaí seo ann roimh an Acht Comhdhlúite Dleachtanna Stampa, 1999.

  • Sampla 1

    Is é 20 bliain tréimhse an léasa. Is é €30,000 in aghaidh na bliana an cíos do na chéad 10 mbliana. Is é €40,000 in aghaidh na bliana an cíos le haghaidh na mblianta 11-15, agus is é €45,000 in aghaidh na bliana an cíos le haghaidh na mblianta 15-20.

    Is é €725,000 an cíos iomlán atá iníoctha thar na 20 bliain.

    An meánchíos bliantúil ná €36,250 (€725,000 ÷ 20).

    Ní mór duit Dleacht Stampa a íoc ar €36,250 ag ráta 1%.

  • Sampla 2

    Is é 36 bliain tréimhse an léasa. Is é €30,000 in aghaidh na bliana an cíos do na chéad cúig bliana. Tá clásal um athbhreithniú cíosa sa léas. Déanfar idirbheartaíocht ar an gcíos do bhliain 6 ar aghaidh de réir an chlásail sin.

    Is é €150,000 an cíos iomlán atá iníoctha i leith na chéad cúig bliana.

    An meánchíos bliantúil ná €30,000 (€150,000 ÷ 5).

    Ní mór duit Dleacht Stampa a íoc ar €30,000 ag ráta 6%. Ní mór duit dleacht sheasta de €12.50 a íoc chomh maith le haghaidh an chlásail um athbhreithniú cíosa.

Préimh

Braitheann an ráta a íocann tú ar an bpréimh ar chineál na maoine atá clúdaithe ag an léas. Más maoin chónaitheach atá ann, ní mór duit an ráta Dleachta Stampa céanna a íoc agus a d’íocfá ar aistriú maoine cónaithe. Más maoin neamhchónaitheach atá i gceist, ní mór duit an ráta Dleachta Stampa céanna a íoc agus a d’íocfá ar mhaoin neamhchónaitheach a aistriú.

Tá na rátaí reatha Dleachta Stampa leagtha amach thíos.

Rátaí Dleachta Stampa ar thalamh agus ar fhoirgnimh
Cineál na maoineAn chomaoinRáta Dleachta Stampa
Cónaithe

 

An chéad €1 milliún

1%

Os cionn €1 milliún agus suas le €1.5 milliún

2%

Os cionn €1.5 

6%

3 árasán níos mó 

i mbloc árasán

 

An chéad €1 milliún

1%

Os cionn €1 milliún

2%

Aonad cónaithe chuí de réir bhrí Alt 31E den Acht Comhdhlúite Dleachtanna Stampa, 1999*

-

15%
Neamhchónaithe - 7.5%*

Tabhair do d’aire

*Ráta 15%

Sa chás go gceannaíonn duine (nó duine bainteach) 10 maoin nó níos mó trí léas laistigh de 12 mhí, féadfar féachaint ar na maoine sin mar "aonaid chónaithe cuí". Tá tuilleadh eolais ar fáil san Tax and Duty Manual Section 31E: Stamp Duty on certain acquisitions of residential property.

Dleacht sheasta

Ní mór duit Dleacht Stampa sheasta €12.50 a íoc le haghaidh:

  • léas a dhéantar ar dháta ina dhiaidh sin le haghaidh comhaontú atá stampáilte cheana féin
  • gach léas eile a bhaineann le talamh nó foirgnimh in Éirinn, nó le ceart nó leas i dtalamh agus i bhfoirgnimh in Éirinn
  • agus
  • clásal um athbhreithniú cíosa. (Is gá Dleacht Stampa a íoc freisin ar an léas ina bhfuil an clásal um athbhreithniú cíosa. Má tá an léas ina bhfuil an clásal um athbhreithniú cíosa díolmhaithe ó Dhleacht Stampa, áfach, tá an clásal um athbhreithniú cíosa díolmhaithe freisin.)

Árasán a cheannach de bhun léasa

Eascraíonn muirear ar Dhleacht Stampa faoi cheannteideal muirir an Léasa nuair a chruthaítear léas agus i gcúinsí teoranta áirithe eile.  Mar sin féin, tá sannadh nó aistriú leasa léasachta ina dhiaidh sin inmhuirir i leith Dleachta Stampa faoin Tíolacadh nó faoin Aistriú ar Dhíol ceannteideal muirir.

  • Sampla

    Ceannaíonn Seán árasán le teideal léasach ar feadh téarma 999 bliain. Cruthaítear léas don téarma sin agus déantar an léas a stampáil faoi cheannteideal muirir an Léasa.

    Trí bliana ina dhiaidh sin, díolann Seán a árasán le Dáithí trí théarma neamhchaite an árasáin (na 996 bliain fágtha le dul) a shannadh do Dháithí. Luann an gníomhas go bhfuil Seán ag sannadh an téarma neamhchaite ar chomaoin €250,000. Déantar an sannadh seo a stampáil faoin Tíolacadh nó faoin Aistriú ar Dhíol ceannteideal muirir.

Ar aghaidh: Dleacht Stampa a íoc ar léas cónaithe

Foilsithe: 14 Samhain 2024 Priontáil an leathanach seo

Leathanach baile Ar ais go barr