An chaoi a bhfuil feidhm ag an gCáin ar Thithe Folmha (CCF)

Cé an duine inmhuirir?

Tugtar an duine inmhuirir ar an duine a bhfuil dualgas orthu Tuairisceán Cánach ar Thithe Folmha (CTF) a thíolacadh agus CTF a íoc ar feadh tréimhse inmhuirir.

Is é an duine inmhuirir le haghaidh CTF an duine dliteanach chun críocha na Cánach Maoine Áitiúla (CMÁ). Go ginearálta, is é an duine inmhuirir úinéir na maoine.

Ba é an chéad tréimhse inmhuirir CTF ná ón 1 Samhain 2022 go dtí an 31 Deireadh Fómhair 2023. Is ionann an duine inmhuirir don tréimhse seo agus an duine dliteanach i leith CMÁ na maoine ar an 1 Samhain 2023.

Ba é an dara tréimhse inmhuirir CTF ná ón 1 Samhain 2023 go dtí an 31 Deireadh Fómhair 2024. Is ionann an duine inmhuirir don tréimhse seo agus an duine dliteanach i leith CMÁ na maoine ar an 1 Samhain 2024.

Is ón 1 Samhain 2024 go dtí an 31 Deireadh Fómhair 2025 atá an tríú tréimhse inmhuirir CTF. Is ionann an duine inmhuirir don tréimhse seo agus an duine dliteanach i leith CMÁ na maoine ar an 1 Samhain 2025.

Comhúinéirí

Mar aon le CMÁ, ní mór do chomhúinéirí duine de na húinéirí a ainmniú mar an duine inmhuirir ainmnithe.

Duine inmhuirir ainmnithe is ea an duine atá freagrach as Tuairisceáin CTF a thíolacadh agus íocaíochtaí a dhéanamh thar ceann:

• gach úinéir, sa chás gur le níos mó ná duine amháin maoin chónaithe folamh
• nó
• cuideachtaí nó eintitis eile ar leo maoine chónaithe.

Seolfaidh na Coimisinéirí Ioncaim gach comhfhreagras CTF don mhaoin don duine dliteanach ainmnithe.

Mura n-íoctar an muirear CTF, féadann na Coimisinéirí Ioncaim an CTF dlite a bhailiú ó aon cheann de na comhúinéirí.

Maoine faoi úinéireacht Údaráis Áitiúla agus Comhlachtaí Tithíochta Ceadaithe

Baineann CTF le maoine atá faoi úinéireacht Údaráis Áitiúla agus Comhlachtaí Tithíochta Ceadaithe.

Ar aghaidh: Ráta na Cánach ar Thithe Folmha (CTF)