Dochar díreach míosúil
Cáin Maoine Áitiúil (CMÁ)
Bailíonn na Coimisinéirí Ioncaim íocaíochtaí trí dhochar díreach le haghaidh CMÁ ar an gcúigiú lá déag den mhí, nó ar an chéad lá oibre eile ina dhiaidh. Ní fhéadtar dáta asbhainte éagsúil a roghnú. Is é méid do dhochar díreach ná an dliteanas bliantúil CMÁ, roinnte ar líon na míonna den bhliain atá fágtha.
- Sampla
Is é do mhéid bliantúil CMÁ ná €90.
Déanann tú cinneadh dochar díreach a bhunú do do CMÁ ar an 5 Márta. Ós rud é go bhfuil deich dtréimhse asbhainteachta fágtha sa bhliain, beidh luach €9 (€90/10) ar do dhochar díreach míosúil.
Dochar díreach CMÁ a bhunú
Féadtar dochar díreach CMÁ do do mhaoin a bhunú trí rochtain a fháil ar an gcóras CMÁ ar líne. Chun é seo a dhéanamh, ní mór duit, Uimhir Aitheantais Maoine agus UAP a bheith agat le haghaidh do mhaoine.
Féadtar do chuid dochar díreach CMÁ a bhainistiú trí moChúrsaí. Ní bheidh gá le hUimhir Aitheantais na Maoine ná an UAP chun é seo a dhéanamh.
Tá foireann ar an líne chabhrach dochair dhírigh a dhíríonn ar chabhrú leis seo a shocrú.
Dochar díreach CMÁ a leasú
Ní fhéadtar Dochar díreach CMÁ a leasú nó a chur ar ceal. Féadtar, áfach, do chuid sonraí bainc a athrú trí CMÁ ar líne nó trí moChúrsaí.
Dochar díreach CMÁ a chur ar ceal
Féadtar do dhochar díreach don CMÁ a chur ar ceal ag am ar bith tríd an gcóras CMÁ ar líne nó trí moChúrsaí.
Má dhéantar cinneadh dochar díreach don CMÁ a chur ar ceal, ní mór rogha íocaíochta eile a roghnú in áit sin.
Tuairisceáin CMÁ
Más custaiméir thú a íocann trí dhochar díreach, tabharfar do thuairisceán agus do threoir dochair dhírigh ar aghaidh gach bliain.
Cuirfidh muid litir dheimhnithe chugat sula mbaileofar an chéad dochar díreach, ina ndeimhnítear an méid míosúil:
- má chruthaíonn tú dochar díreach
- má leasaíonn tú dochar díreach
- nó
- má athraíonn d'Údarás Áitiúil an ráta a ghearann siad le haghaidh CMÁ.
Íocaíochtaí dochair dhírigh CMÁ caillte nó gan íoc
Féadfaidh sé go gcuirfidh do bhanc d’íocaíocht ar ais mar íocaíocht ‘neamhíoctha’. Cuirfear litir amach chun thú a chur ar an eolas nár éirigh leis an íocaíocht.
Is tusa atá freagrach as an íocaíocht chaillte a íoc. Féadtar an íocaíocht chaillte a íoc:
Féadtar do threoir reatha dochair dhírigh a chur ar ceal agus ceann eile a shocrú chun an íocaíocht a cuireadh ar ceal a chur san áireamh.
- Sampla
Is é do mhéid CMÁ don bhliain ná €90. Is é do threoir reatha dochair dhírigh ná €7.50 sa mhí (€90/12). Teipeann ar d’íocaíocht i mí Eanáir, mar sin ní bhailíonn na Coimisinéirí Ioncaim an €7.50.
I mí Feabhra, tá €90 fós le cúiteamh agat, toisc nár éirigh leis an íocaíocht. Féadtar an treoir bhunaidh €7.50 sa mhí a chur ar ceal agus ceann eile a shocrú le haghaidh €8.18 (€90/11) sa mhí.
Féadann muid thú a bhaint ón scéim dochair dhírigh nuair nach n-íoctar íocaíochtaí dochair dhírigh.
Íocaíochtaí dochair dhírigh d’úinéirí a bhfuil níos mó ná maoin amháin acu
Féadtar dochar díreach a shocrú chun íoc as maoine éagsúla in aon asbhaint mhíosúil amháin. Féadtar an dochar dhíreach do na maoine sin a bhainistiú tríd an gcóras CMÁ ar líne nó trí moChúrsaí.
Féadfaidh sé go ndíolfaidh tú ceann de do chuid maoin. Má dhéanann tú é sin, ní mór do threoir reatha dochair dhírigh a chur ar ceal agus ceann eile a shocrú do na maoine atá fágtha.
Riaráistí CMÁ
Féadfaidh tú CMÁ a bhí dlite i mbliain roimhe sin a íoc trí dhochar díreach. Ní mór gach ceann de na blianta a chur ar bun ar leithligh agus a threoir íocaíochta féin a bheith aige.
- Sampla
Teastaíonn uait do CMÁ do 2021 agus 2022 a íoc trí dhochar díreach.
Chun é seo a dhéanamh, ní mór duit dhá dochar díreach éagsúla a shocrú. Ní fhéadtar an CMÁ don dá bhliain a íoc faoi dochar díreach singil amháin.
Ar aghaidh: Cáin Ioncaim Fostóra