Baile   Gnóthas a thosú agus a rith   Do cháin a íoc  

Socruithe Tráthíocaíochtaí

  1. Léargas ginearálta
  2. Cén chaoi le hiarratas a dhéanamh ar Shocrú Tráthíocaíochtaí
  3. Rátaí úis agus muirir
  4. Éarlaisí agus tráthíocaíochtaí
  5. Socraíocht Tráthíocaíochtaí Comhdhlúite agus leasuithe
  6. Íocaíochtaí loicthe agus socruithe tráthíocaíochtaí a chealú
  7. Deacrachtaí íocaíochta
  8. Cén chaoi 'Físeáin'

Deacrachtaí íocaíochta

Cuirfear do shocrú tráthíocaíochtaí ar ceal má loiceann íocaíochtaí. Má tá deacrachtaí íocaíochta agat, tá sé tábhachtach go ndéileálfaidh tú leo chomh luath is a thagann siad aníos.

Tá neart roghanna ar fáil chun cabhrú leat. Ar Sheirbhís ar Líne na gCoimisinéirí Ioncaim (ROS), féadtar:

  • an dáta asbhainte a bhogadh go dtí dáta níos oiriúnaí laistigh den mhí
  • iarratas a dhéanamh ar íocaíocht a iarchur. Ligfidh sé seo d’íocaíocht a ‘scipeáil’ agus é a chur chuig deireadh an sceidil íocaíochta. Ceadaítear sé iarchur duit thar shaolré an tSocrú Tráthíocaíochtaí
  • nó
  • iarratas a chur isteach le haghaidh sos íocaíochtaí suas le sé mhí (féach nóta).

Tabhair do d’aire

Mar thoradh ar thionchar COVID-19, méadaíodh fad an tsosa íocaíochta go bliain iomlán.

Má loiceann tráthíocaíocht agus mura bhfuil tú in ann é a íoc nuair a dhéantar an dara hiarracht chun an tráthíocaíocht a bhailiú, féadtar:

  • iarratas a dhéanamh ar shos íocaíochta
  • nó
  • iarratas a dhéanamh ar iarchur. 

Cuirfidh sé seo cosc ar an Socrú Tráthíocaíochtaí a bheith curtha ar ceal. 

Féadfar an t-iarratas a dhéanamh am ar bith idir:

  • cúig lá tar éis loiceadh na chéad íocaíochta
  • agus
  • suas leis an lá roimh an dara hiarracht chun an íocaíocht a bhailiú.
  • Sampla

    Tá socrú tráthíocaíochtaí ag Deirdre leis na Coimisinéirí Ioncaim.

    Bhí a tráthíocaíocht dlite ar an 6 Samhain 2020. Ní raibh na cistí aici ina cuntas an tráthíocaíocht a íoc agus mar sin loic an íocaíocht.

    Fuair​Deirdre fógra ar ROS faoin íocaíocht loicthe inar cuireadh in iúl go ndéanfaí an dara hiarracht an tráthíocaíocht a bhailiú ar an 27 Samhain. Toisc go raibh tionchar diúltach ag an bpaindéim COVID-19 ar a gnó, bhí a fhios aici nach mbeadh na cistí aici an íocaíocht seo a íoc. Má chailleann sí an dara hiarracht ar bhailiúchán, cuirfear a socrú tráthíocaíochtaí ar ceal.

    Déanann Deirdre iarratas ar íocaíocht a iarchur ar ROS roimh an 26 Samhain, chun stop a chur leis an socrú tráthíocaíochtaí a bheith curtha ar ceal.

Ar aghaidh: Cén chaoi 'Físeáin'

Foilsithe: 07 Samhain 2024 Priontáil an leathanach seo

Leathanach baile Ar ais go barr