Cén chaoi le hiarratas a dhéanamh ar Dheimhniú Imréitigh Cánach

An córas ríomh-Imréitigh Cánach (eTC)

Leis an gcóras ríomh-Imréitigh Cánach, féadtar iarratas a dhéanamh ar Dheimhniú Imréitigh Cánach ar líne. Féadtar iarratas a dhéanamh trí úsáid a bhaint as:

• moChúrsaí más custaiméir Íoc Mar a Thuillir (ÍMAT) thú
• nó
• Seirbhís ar Líne na gCoimisinéirí Ioncaim (ROS) más custaiméir gnó thú.

Déanann an córas ríomh-Imréitigh Cánach do chomhlíontacht chánach a sheiceáil ar bhonn rialta. Leanann do Dheimhniú Imréitigh Cánach de bheith bailí fad agus atá tú comhlíontach.

Ní mór duit iarratas nua le haghaidh Imréiteach Cánach a thíolacadh nuair atá d’iarratas imithe in éag. Téann iarratas ar dheontas in éag tar éis bliain amháin. Téann gach iarratas eile in éag laistigh de cheithre bliana.

Cén chaoi le hiarratas a dhéanamh

Ní mór duit a bheith cláraithe le haghaidh moChúrsaí nó Seirbhís ar Líne na gCoimisinéirí Ioncaim (ROS) chun iarratas a dhéanamh.

Chun iarratas a dhéanamh trí moChúrsaí, lean na céimeanna seo:

1. Sínigh isteach ar moChúrsaí.
2. Roghnaigh 'Clárúcháin Cánach' faoin rannán 'Bainistigh Mo Thaifead'.
3. Cliceáil ar 'Déan iarratas'.
4. Déan athbhreithniú ar do shonraí agus cliceáil ar 'Ar aghaidh'.
5. Líon isteach an t-iarratas agus cliceáil ar 'Ar aghaidh'.
6. Seiceáil an dearbhú agus cliceáil ar 'Tíolaic'.

Má tá tú cláraithe le haghaidh ROS, féadtar teacht ar an tseirbhís seo trí chliceáil ar:

• ‘Bainistigh Imréiteach Cánach’, faoin gcluaisín ‘Mo Sheirbhísí Féin’ ar an leathanach baile ROS
• nó
• an stádas imréitigh cánach reatha atá léirithe ar bharr ar dheis den scáileán baile ROS.

Tiománaithe agus fostóirí Beagfheithiclí Seirbhíse Poiblí (BFSP)

Ba chóir do thiománaithe BFSP atá féinfhostaithe na treoracha thíos a leanúint, agus an méid seo a leanas a roghnú:

• ‘Ceadúnas’ an chúis leis an iarratas
• agus
• ‘Sealbhóir Ceadúnais Tiomána an Cheadúnais Beagfheithiclí Seirbhíse Poiblí (BFSP) (Féinfhostaithe nó Cuideachta) mar chineál an cheadúnais.

Ba chóir do thiománaithe BFSP ar fostaithe iad na treoracha thíos a leanúint, agus an méid seo a leanas a roghnú:

• ‘Sealbhóir Ceadúnais Tiomána (fostaí) an Cheadúnais Beagfheithiclí Seirbhíse Poiblí (BFSP) an chúis leis an iarratas
• agus
• cuir Uimhir Thagartha Cánach an fhostóra ar fáil.

Deimhniú ríomh-Imréitigh Cánach

Má tá do chúrsaí cánach in ord, eiseoidh na Coimisinéirí Ioncaim deimhniú imréitigh cánach. Mura bhfuil do chúrsaí cánach in ord, áfach, cuirfear na cúiseanna ar diúltaíodh d'iarratas in iúl duit. Chun deimhniú imréitigh cánach a fháil, beidh ort do chúrsaí cánach a chur in ord trí na saincheisteanna gan réiteach a réiteach.

Beidh ort a chinntiú freisin go dtabharfar aghaidh ar aon saincheisteanna gan réiteach maidir le cúrsaí cánach atá ag aon pháirtithe bainteacha. Tar éis aghaidh a thabhairt ar aon saincheisteanna gan réiteach, ní mór duit iarratas nua ríomh-Imréitigh Cánach a thíolacadh.

Cén chaoi a gcruthaím go bhfuil Deimhniú Imréitigh Cánach agam?

Nuair a eisíonn muid do Dheimhniú Imréitigh Cánach, tabharfaidh muid Uimhir Rochtana Imréitigh Cánach (TCAN) duit. Is féidir leat do TCAN, chomh maith le d’Uimhir Phearsanta Seirbhíse Poiblí (UPSP) nó d’Uimhir Thagartha Cánach, a thabhairt do dhuine ar bith ar gá dóibh do Dheimhniú Imréitigh Cánach a fhíorú.

Féadtar an scáileán toraidh a phriontáil leis an gcnaipe ‘Priontáil’ ar an scáileán. Seoltar an toradh seo chomh maith chuig do bhosca isteach ROS nó M’Fhiosruithe. Féadtar an deimhniú a fheiceáil, a phriontáil agus a shábháil ach cliceáil ar ‘Bainistigh Imréiteach Cánach’ in ROS nó moChúrsaí.

Ní chlóbhuaileann na Coimisinéirí Ioncaim deimhnithe imréitigh cánach. Mar sin féin, féadtar torthaí an scáileáin a phriontáil más mian leat cóip pháipéir a bheith agat de na nithe seo a leanas:

• deimhniú ríomh-imréitigh cánach
• nó
• cúiseanna i leith diúltaithe.

Féadtar na torthaí a phriontáil níos déanaí ag baint úsáide as an rogha féach, priontáil nó sábháil in 'Bainistigh Imréiteach Cánach'.

Ar aghaidh: Iarratais le haghaidh comhlachtaí deonacha neamhchláraithe