Baile   Cáin Bhreisluacha (CBL)   Earraí agus seirbhísí chuig agus ón gcoigríoch  

Soláthairtí laistigh den Chomhphobal (ICS)

  1. Léargas ginearálta
  2. Ráta nialasach CBL ar sholáthairtí earraí laistigh den chomhphobal
  3. Céard is triantánú ann?
  4. Fianaise a theastaíonn le hearraí a sholáthar laistigh den Chomhphobal
  5. Cruthú gur iompraíodh earraí gan toimhde iompair a chur i bhfeidhm
  6. Fadhbanna ar chóir do sholáthraithe a bheith airdeallach faoi
  7. Soláthairtí earraí inmháil chuig Ballstáit eile
  8. Soláthar modhanna iompair nua laistigh den Chomhphobal

Céard is triantánú ann?

Is éard atá i gceist le triantánú ná dhá sholáthar earraí idir triúr trádálaithe atá cláraithe le haghaidh Cáin Bhreisluacha (CBL) i dtrí Bhallstát éagsúla den Aontas Eorpach (AE). Mar shampla, sa chás go ndíolann trádálaí bunaithe i mBallstát amháin (BS1) earraí le trádálaí bunaithe i mBallstát eile (BS2). Seachadtar na hearraí chuig trádálaí sa tríú Ballstát (BS3).

Tá beart simpliúcháin ann chun an t-ualach riaracháin agus comhlíontachta ar thrádálaithe agus ar na húdaráis chánach a bhfuil baint acu le hidirbhearta triantánacha den chineál sin a laghdú. Ní fhéadann an beart simpliúcháin seo oibriú ach amháin nuair a bhíonn an triúr trádálaithe cláraithe le haghaidh CBL san Aontas Eorpach. 

Go ginearálta, is mar seo a leanas a oibríonn an beart simpliúcháin:

  • Déantar soláthar nialas-rátaithe laistigh den Chomhphobal ó chomhlacht A go comhlacht B.
  • Cláraítear an soláthar ar thuairisceán ar an gcóras malartaithe faisnéise CBL (VIES) mar sholáthar ó chomhlacht A go comhlacht B.
  • Ós rud é go bhfuil a uimhir CBL luaite ag comhlacht B, tá fáltas laistigh den chomhphobal (ICA) déanta aige. Tugann comhlacht B cuntas i leith an ICA seo ar a thuairisceán CBL.
  • Déanann comhlacht B soláthar saor ó CBL le comhlacht C. Tugann gnóthas C cuntas i leith an idirbhirt seo ina thuairisceán CBL mar sholáthar a fuarthas. Ar an gcaoi seo, meastar cuntas a bheith tugtha ag comhlacht C i leith dhliteanas CBL chomhlacht B i mBallstát 3.

Nuair a bheidh comhlacht C i dteideal CBL a aiséileamh, tógann sé creidmheas comhuaineach don idirbheart seo sa tuairisceán cuí CBL.

 Déanann Comhlacht A i mBallstát 1 soláthair do Chomhlacht B i mBallstát 2 ach seachadtar na hearraí go díreach do Chomhlacht C i mBallstát 3. Eisíonn Comhlacht A sonrasc do Chomhlacht B agus eisíonn Comhlacht B sonrasc do Chomhlacht C

Idirbhearta a bhfuil níos mó ná trí chomhlacht i gceist leo

Ní fhéadtar an beart simpliúcháin a oibriú ach amháin sa chás tipiciúil triantánachta mar atá leagtha amach thuas. Sa chás go bhfuil níos mó ná trí chomhlacht i gceist (m.sh. díola i ndiaidh a chéile idir comhlachtaí i mBallstát 2), caithfear an bealach beacht dlíthiúil a leanúint. Sna cásanna seo, féadfaidh sé go dteastódh clárúchán i mBallstát amháin eile ar a laghad, ag brath ar na cúinsí ar leith.

Ar aghaidh: Fianaise a theastaíonn le hearraí a sholáthar laistigh den Chomhphobal

Foilsithe: 23 Meán Fómhair 2024 Priontáil an leathanach seo

Leathanach baile Ar ais go barr