Clárúchán d'fheirmeoirí agus seirbhísí talmhaíochta
An bhfuil dualgas ar fheirmeoirí clárú le haghaidh CBL?
Má tá tú i mbun gníomhaíochtaí táirgeachta talmhaíochta amháin, níl dualgas ort clárú le haghaidh Cáin Bhreisluacha (CBL).
Ach, tá dualgas ort clárú sna cásanna seo:
- Más mó, nó más dócha gur mó ná €40,000 do láimhdeachas bliantúil ó ghníomhaíochtaí conraitheoireachta talmhaíochta seachas seirbhísí inseamhnaithe, seirbhísí fostaíochta stoic nó tógála stoic.
- Más mó, nó más dócha gur mó ná €80,000 do láimhdeachas bliantúil ó dhíolacháin seamhain bó. Tabhair do d’aire: níl díolacháin le feirmeoirí eile ceadúnaithe mar ionad Inseamhnaithe Saorga nó soláthairtí do dhuine ar a bhfuil rialú á fheidhmiú agat san áireamh san fhigiúr láimhdeachas seo.
- Más mó, nó más dócha gur mó ná €80,000 do láimhdeachas bliantúil ó dhíolacháin miondíola táirgí gortóireachta.
- Má tá tú ag fáil seirbhísí atá incháinithe san áit a bhfuarthas iad.
- Más mó, nó más dócha gur mó ná €80,000 do láimhdeachas bliantúil ó dhíolacháin seamhain bó agus miondíolachán táirgí gortóireachta.
- Más mó, nó más dócha gur mó ná €41,000 do láimhdeachas bliantúil ó fháltais laistigh den Chomhphobal.
- Más mó, nó más dócha gur mó ná na tairseacha cuí do láimhdeachas bliantúil ó earraí nó seirbhísí incháinithe, seachas aon eisiamh thuasluaite.
Féadtar chomh maith roghnú clárú le haghaidh CBL.
Tá tuilleadh eolais ar chánachas CBL feirmeoirí ar fáil sa rannán Treoir bhreise.