Scéim Aisíocaíochta Easpórtála

Éileamh á dhéanamh

Daoine príobháideacha

Ní mór do dhuine príobháideach an fhoirm éilimh VRTER2 a chomhlánú.

Ní mór go gcuirfí san áireamh san éileamh:

• cruthúnas gur athlonnaíodh an feithicil ón Stát laistigh de 30 lá ó scrúdú an tSeirbhís Náisiúnta Tástála Carranna (SNTC)
• cruthúnas ar an gcláruimhir nua ó Bhallstát eile an Aontais Eorpaigh (AE)
• an chóip sínithe den Dearbhú i dtaca leis an Scrúdú Easpórtála Feithicle SNTC
• agus
• cóip den Admháil Scrúdú Easpórtála.

Má tá an feithicil á easpórtáil ón AE, ní mór proof of export a bheith agat ar nós an Dearbhú Custam a dhéantar ag an bpointe easpórtála.

Ní mór duit freisin cruthúnas den fheithicil ag sroicheadh tíre taobh amuigh den AE ar nós cáipéisí iompórtála custam a chur isteach leis seo.

Gnóthais

Ní mór do ghnó:

• Foirm VRTER1 a chomhlánú le haghaidh feithiclí a athlonnaítear go dtí tír eile san AE
• nó
• Foirm VRTER1A a chomhlánú le haghaidh feithiclí easpórtáilte ón AE.

Ní mór na cruthúnais chéanna a bhaineann le duine príobháideach a sholáthar.

Athlonnú laistigh de 30 lá

Ba cheart gur mar fhormáid Deimhniú Clárúcháin Eachtrach é cruthúnas athlonnú ón Stát.

Sa chás nach raibh an feithicil cláraithe thar lear, ní mór fianaise ar leith a thabhairt chun a taispeáint gur fhág an feithicil an Stát.

Coinníollacha

Áit nach gcomhlíontar na coinníollacha ina n-iomláine, ní íocfar an t-éileamh.

Nuair nach easpórtálann tú an fheithicil ón Stát laistigh de 30 lá, ní mór coinne nua a dhéanamh leis an SNTC. Tá sé sin chun an méid Cáin Chláraithe Feithiclí (CCF) a ríomh in athuair. Ní bheidh tú ach i dteideal aisíocaíocht don méid CCF a ríomh in athuair a fháil ar ais sa chás seo.

Gearrfaidh an t-ionad SNTC táille le haghaidh gach coinne scrúdú easpórtála.

Tabhair faoi deara nach sáróidh an aisíocaíocht an bunmhéid CCF íoctha. Tá sé sin beag beann ar luach reatha na feithicle tráth an scrúdaithe.

Cá seolaim m’éileamh?

Seol d’éileamh chuig: Lár-Oifig Aisíocaíochtaí

Tabhair do d'aire

Tabhair do d'aire go mbaineann riachtanas ama 30 lá na scéime seo le heaspórtáil na feithicle ón Stát. Ní le cur isteach éileamh chuig na Coimisinéirí Ioncaim.

Ná seol éilimh chuig an Lároifig Aisíocaíochtaí go dtí go bhfuil na cáipéisí riachtanacha agus fianaise tacaíochta go léir faighte.

Cén chaoi a ndéanfar m’aisíocaíocht CCF?

Eiseoidh aisíocaíochtaí chuig an t-úinéir atá liostaithe ar an gComhad Náisiúnta Feithiclí agus Tiománaithe (CNFT) tráth an scrúdaithe na feithicle.

Íocfar an aisíocaíocht trí ríomhaistriú airgid leis an gcuntas bainc luaite ar an bhfoirm éilimh. Fritháireofar an méid inaisíoctha in aghaidh aon dliteanas cánach atá amuigh. Áit a bhfuil tuairisceáin chánach amuigh, ní thabharfar éileamh chun críche go dtí go seolfar na tuairisceáin isteach.

Áit a ndearbhaíonn déileálaí feithiclí ag úsáid Uimhir Chuntais Trádálaí (UCT), eiseofar an aisíocaíocht chuig cuntas FACT an déileálaí.

Ar aghaidh: Feithicil á athiompórtáil