Scéim Tabhartas Carthanúil

Cén chaoi le héileamh a thíolacadh

Comhlánaigh foirm ar líne

Féadtar éileamh a thíolacadh trí shíniú isteach ar ROS agus na céimeanna thíos a leanúint: 

1. Faoin rannán ‘Tuairisceán a Thíolacadh’, roghnaigh ‘Comhlánaigh Foirm ar Líne’.
2. Roghnaigh an cineál cánach ‘Tabhartais Charthanúla’ agus an fhoirm ‘CDS1’.
3. Cliceáil ar ‘Tíolaic Tuairisceán’.
4. Roghnaigh an tréimhse Scéime Tabhartas Carthanúil (STC) ar mian leat tíolacadh a dhéanamh ina leith.
5. Cuir isteach sonraí an tabhartais go léir agus cliceáil ar ‘cuir tabhartas leis’.
6. Cliceáil ar ‘Lean ar aghaidh’ chun an t-éileamh a shíniú agus a thíolacadh.

Uaslódáil foirm a comhlánaíodh as líne

Tá an fhormáid seo oiriúnach le haghaidh éileamh ina bhfuil líon mór deontóirí. Cruthaigh scarbhileog Excel le sonraí na ndeontóirí. Ní mór an comhad Excel a chruthú i bhformáid shonrach agus é a shábháil mar chomhad CSV (comhad teormharcáilte).

Chun tuilleadh eolais agus sampla de chomhad CSV a fháil, féach an rannán ar Thabhartais Charthanúla ar Scéimrí agus Nótaí ROS.

Nuair atá an comhad CSV as líne comhlánaithe agat, uaslódáil é ar ROS mar seo a leanas:

1. Faoin rannán ‘Tuairisceán a thíolacadh’, cliceáil ar ‘Uaslódáil Foirmeacha a Comhlánaíodh As líne’.
2. Roghnaigh ‘Tabhartais Charthanúla’ ón liosta anuas.
3. Cliceáil ar ‘Uaslódáil Tuairisceán’.
4. Ón áis uaslódáil comhaid, cliceáil ar ‘Cuir Comhaid leis’.
5. Roghnaigh an comhad CSV cuí ó do chóras áitiúil.
6. Cuir isteach do phasfhocal.

7. Roghnaigh an cnaipe ‘Uaslódáil Comhaid’ chun an comhad a thíolacadh chuig ROS.

Eiseofar uimhir fógra duit nuair a bheidh do chomhad uaslódáilte go rathúil.