Táirgeoirí beaga deochanna coipthe eile - bunú agus faoiseamh
Léargas ginearálta
Fógraíodh faoiseamh nua ó Cháin Táirgí Alcóil (CTA) i mBuiséad 2023 le haghaidh leann úll agus leann piorraí arna dtáirgeadh ag táirgeoirí beaga cáilitheacha. Tá an faoiseamh ar fáil i dtaca le leann úll agus leann piorraí cáilitheach a scaoiltear lena gcaitheamh ón 1 Eanáir 2023
Le Buiséad 2025, leathnaíodh an Faoiseamh seo go dtí:
- deochanna coipthe eile, seachas leann úll agus piorraí
- agus
- leann úll agus piorraí a sháraíonn leibhéal toirte 8.5%.
Tá faoiseamh ar na táirgí seo ar fáil i leith táirgí cáilitheacha a scaoiltear lena gcaitheamh ón 1 Márta 2025.
Féadann an táirgeoir nó an mórdhíoltóir a chuireann na deochanna coipthe eile amach ar an margadh Éireannach an faoiseamh a éileamh.
Chun críocha máil, caitear le leann úll agus leann piorraí mar an deoch chéanna, dá dtagraítear in Alt 73 den Acht Airgeadais 2003 mar 'leann úll agus leann piorraí'. Is féidir le táirgeoir leann úll agus leann piorraí a bheith:
- ina tháirgeoir leann úll nó leann piorraí amháin
- nó
- táirgeoir leann úll nó leann piorraí araon.
Chun críocha máil, roinntear na deochanna coipthe eile in dhá fhochatagóir:
- leann úll agus leann piorraí
- deochanna coipthe eile, seachas leann úll agus piorraí
Ar aghaidh: Cé atá ina tháirgeoir beag de dheochanna coipthe eile?