Táirgeoirí beaga deochanna coipthe eile - bunú agus faoiseamh

Cén chaoi a gcáilíonn táirgeoirí de dheochanna coipthe eile don fhaoiseamh?

Tá faoiseamh ar fáil ar leann úll agus leann piorraí a sháraíonn 2.8% de réir toirte agus ar dheochanna coipthe eile (seachas leann úll agus leann piorraí) a tháirgeann táirgeoirí beaga cáilitheacha.

Tá an faoiseamh ag ráta 50% de na rátaí caighdeánacha Cánach ar Tháirgí Alcóil (CTA) le haghaidh deochanna coipthe eile.

Beidh táirgeoir deochanna coipthe eile cáilithe le haghaidh faoisimh más rud é:

• nach raibh an méid iomlán de dheochanna coipthe eile a táirgeadh sa bhliain féilire roimhe sin níos mó ná 10,000 heictilítear
• go bhfuil an táirgeoir neamhspleách ar aon tháirgeoir eile de dheochanna coipthe eile
• agus
• go bhfuil an t-áitreabh lonnaithe ar leithligh ó áitreabh táirgeora eile de dheochanna coipthe eile.

Beidh táirgeoir leann úll agus leann piorraí cáilithe freisin má bhí níos lú ná 50% den leann úll agus leann piorra a táirgeadh sa bhliain féilire roimhe sin faoi:

• cheadúnas
• faoi shaincheadúnas
• nó
• faoi chonradh

do tháirgeoir eile de dheochanna coipthe eile.

Má tá dhá tháirgeoir de dheochanna coipthe eile nó níos mó agat, caitear leat mar tháirgeoir aonair de dheochanna coipthe eile. Cáileoidh tú don fhaoiseamh seo fad is nach sáraíonn an méid iomlán de dheochanna coipthe eile a tháirg na táirgeoirí sin 10,000 heictilítear sa bhliain féilire roimhe sin.

Ba chóir aon deochanna coipthe eile a tháirgeann tú faoi cheadúnas, saincheadúnas nó conradh do tháirgeoirdeochanna coipthe eile a chur san áireamh agus do chainníocht táirgthe bliantúil á ríomh.

De ghnáth, ní cháilíonn deochanna coipthe eile a tháirgtear faoi cheadúnas, saincheadúnas nó conradh do tháirgeoir eile de dheochanna coipthe eile le haghaidh faoisimh.

Mar sin féin, tá eisceacht ann maidir leis seo trína gcáileoidh deochanna coipthe eile a tháirgtear do tháirgeoir eile de dheochanna coipthe eile faoi cheadúnas, saincheadúnas nó conradh don fhaoiseamh más rud é:

• go gcomhlíonann gach ceann de na táirgeoirí de dheochanna coipthe eile na critéir atá leagtha amach thuas
• nár sháraigh an méid deochanna coipthe eile a tháirg gach duine de na táirgeoirí 10,000 heictilítear sa bhliain féilire roimhe
• agus
• nár sháraigh an méid iomlán deochanna coipthe eile a tháirg gach duine de na táirgeoirí deochanna coipthe eile 15,000 heictilítear sa bhliain féilire roimhe.

Féadtar tuilleadh eolais faoin tairseach táirgthe bliantúil iomlán is infheidhme maidir le táirgeoirí beaga neamhspleácha deochanna alcólacha a fháil sa Explanatory Notes a d'fhoilsigh an Coimisiún Eorpach i mí na Nollag 2021.

Ar aghaidh: Cén chaoi a n-éilítear an faoiseamh?