Cáin Leictreachais

Achomhairc

Féadtar achomharc a dhéanamh in aghaidh fhormhór na gcinntí a dhéanann na Coimisinéirí Ioncaim a bhfuil tionchar acu ort agus a n-easaontaíonn tú leo. De ghnáth, féadtar achomharc a dhéanamh go díreach leis an gCoimisiún um Achomhairc Chánach. Tá an Coimisiún um Achomhairc Chánach freagrach as diospóidí a réiteach idir na Coimisinéirí Ioncaim agus cáiníocóirí. Tá sé go hiomlán neamhspleách ar na Coimisinéirí Ioncaim.

Seo a leanas roinnt samplaí den mhéid is féidir achomharc a dhéanamh ina leith chuig an Coimisiún um Achomhairc Chánach:

• an méid Cánach Leictreachais a íocadh,
• fógra um measúnú chun méid Cánach Leictreachais a íoc,
• aisíocaíocht Cánach Leictreachais,
• agus
• diúltú éilimh ar aisíocaíocht Cánach Leictreachais.

Ní mór achomharc a dhéanamh chuig an Coimisiún um Achomhairc Chánach laistigh de 30 lá ó dháta an fhógra faoin gcinneadh nach n-aontaíonn tú leis. Sula ndéanann tú achomharc chuig an Coimisiún um Achomhairc Chánach, ní mór duit an tuairisceán Cánach Leictreachais cuí a thíolacadh agus an dliteanas atá faoi dhíospóid a íoc.

Chun achomharc a dhéanamh, ní mór duit foirm chomhlánaithe um Fhógra Achomhairc a thíolacadh don Choimisiún um Achomhairc Chánach. Tá sonraí maidir le conas achomharc a thíolacadh leagtha amach ar shuíomh idirlín an Choimisiúin um Achomhairc Chánach.