Cáin Charbóin ar Bhreosla Soladach (CCBS)
Achomhairc
Féadtar achomharc a dhéanamh i gcoinne fhormhór chinntí na gCoimisinéirí Ioncaim ar an gCáin Charbóin ar Bhreosla Soladach (CCBS) a mbíonn tionchar acu ort agus nach n-aontaíonn tú leo. De ghnáth, féadtar achomharc a dhéanamh go díreach leis an gCoimisiún um Achomhairc Chánach. Tá an Coimisiún um Achomhairc Chánach freagrach as diospóidí a réiteach idir na Coimisinéirí Ioncaim agus cáiníocóirí. Tá sé go hiomlán neamhspleách ar na Coimisinéirí Ioncaim.
Seo a leanas roinnt samplaí den mhéid is féidir achomharc a dhéanamh ina leith chuig an Coimisiún um Achomhairc Chánach:
- suim an CCBS a íocadh,
- fógra um measúnú chun suim CCBS a íoc,
- aisíocaíocht CCBS
- agus
- diúltú éilimh ar aisíocaíocht CCBS.
Ní mór achomharc a dhéanamh chuig an Coimisiún um Achomhairc Chánach laistigh de 30 lá ó dháta an fhógra faoin gcinneadh nach n-aontaíonn tú leis. Sula ndéanann tú achomharc chuig an Coimisiún um Achomhairc Chánach, ní mór duit an tuairisceán CCBS cuí a thíolacadh agus an dliteanas atá faoi dhíospóid a íoc.
Chun achomharc a dhéanamh, ní mór duit foirm chomhlánaithe um Fhógra Achomhairc a thíolacadh don Choimisiún um Achomhairc Chánach. Tá sonraí maidir le conas achomharc a thíolacadh leagtha amach ar shuíomh idirlín an Choimisiúin um Achomhairc Chánach.