Cáin Charbóin ar Bhreosla Soladach (CCBS)

Clárúchán agus Taifid

Ní mór do sholáthraithe clárú le haghaidh na Cánach Carbóin ar Bhreosla Soladach (CCBS) ach an Fhoirm CCBS-reg a chomhlánú. Ba chóir do sholáthraithe an fhoirm seo a sheoladh chuig na Coimisinéirí Ioncaim ag úsáid M’Fhiosruithe, atá ar fáil trí moChúrsaí. Chomh maith leis sin féadann soláthraithe an fhoirm a sheoladh sa phost chuig:

Oifig na gCoimisinéirí Ioncaim
An tAonad Cánacha Seirbhísí agus Idirbheart
Rannóg an Ard-Bhailitheora
Lána an Mhuilinn
Lios Tuathail
Co. Chiarraí
V31 VF20

Féadfaidh soláthraithe díchlárú ach M’Fhiosruithe a úsáid, atá ar fáil ar moChúrsaí, nó trí Rannóg an Ard-Bhailitheora a chur ar an eolas i scríbhinn.

Ní mór cuntais agus taifid a bhaineann leis an CCBS a choinneáil ar feadh tréimhse sé bliana. Féadtar iad a choinneáil i bhfoirm leictreonach, ar an gcoinníoll go bhféadtar iad a chur ar fáil i bhfoirm phriontáilte nuair a iarrtar iad.

Ní mór na taifid seo a leanas a choinneáil:

• leabhair
• cáipéisí lena n-áirítear sonraisc, orduithe seachadta agus ceannaigh, taifid stoic, dearbhuithe a bhaineann le soláthairtí saor ó cháin agus soláthairtí faoi fhaoiseamh cánach, agus mar sin de
• agus
• cuntais, nó eolas eile ábhartha, lena n-áirítear eolas a stóráiltear ar mheán leictreonach i bhfoirm ar bith.

Aon mhonaróirí a fhaigheann soláthar breosla sholadaigh saor ó cháin lena úsáid mar amhábhar i monarú, ní mór dóibh taifid dhóthanacha a choinneáil. I measc na dtaifead a bhaineann leis an soláthar sin tá:

• cóip den dearbhú a tugadh don soláthraí
• cur síos ar an bpróiseas monaraithe do gach táirge breosla sholadaigh
• agus
• tionchair an phróisis monaraithe ar thréithe an bhreosla sholadaigh a úsáidtear leis an táirge breosla sholadaigh a mhonarú.

Ar aghaidh: Tuairisceáin agus iocaíochtaí