DAC6

Cad atá intuairiscithe faoi Chóras Nochtuithe Éigeantacha an AE

Cad is socraíocht trasteorann intuairiscithe ann?

Is socrú é socraíocht trasteorann intuairiscithe faoi Council Directive (EU) 2018/82 (DAC6) a bhaineann le Ballstát AE agus dlínse eile. Tá saintréith ar leith ag baint le socruithe intuairiscithe trasteorann ar a dtugtar sainmharc.

Cad is sainmharc ann?

Is saintréith é sainmharc a fheictear go coitianta i socruithe seachanta cánach. Tá cúig chatagóir sainmharcanna ann chun críocha an chóras nochtuithe éigeantacha de chuid an AE:

• socruithe lena mbaineann rúndacht, doiciméid chaighdeánaithe, nó táillí a bhraitheann ar bhuntáiste cánach
• socruithe lena mbaineann caillteanais a fháil, ioncam a chomhshó nó cistí idirbhearta dé-aistir
• socruithe lena mbaineann íocaíochtaí trasteorann, asbhaint dhúbailte, faoiseamh dúbailte agus neamhréir comaoine
• socruithe maidir le malartú uathoibríoch faisnéise agus úinéireacht thairbhiúil
• agus
• socruithe maidir le praghsáil aistrithe.

Cé atá ina idirghabhálaí?

Is éard is idirghabhálaí ann ná aon duine a dhearann, a mhargaíonn, a eagraíonn nó a bhainistíonn cur chun feidhme socraíochtaí thrasteorann intuairiscithe.

Cé atá ina cháiníocóir ábhartha?

Is éard is cáiníocóir ábhartha ann ná duine ar bith:

• a gcuirtear socrú intuairiscithe trasteorann ar fáil dóibh lena chur chun feidhme
• atá réidh chun socrú intuairiscithe trasteorann a chur chun feidhme
• nó
• a bhfuil an chéad chéim de shocrú den sórt sin curtha chun feidhme aige.

Cé atá faoi oibleagáid tuairisceán DAC6 a thíolacadh?

Ní mór d'idirghabhálaithe, agus cáiníocóirí ábhartha i gcásanna áirithe, tuairisceán a thíolacadh leis na Coimisinéirí Ioncaim maidir le socruithe intuairiscithe trasteorann.

Tá sé d'oibleagáid ar an idirghabhálaí an tuairisceán a thíolacadh ach amháin sna cásanna seo a leanas:

• nach bhfuil aon idirghabhálaí i gceist
• nó
• nár tharscaoil an cáiníocóir a gceart chun pribhléide dlíthiúla.

Sa chás go gcuireann ceachtar de na cásanna seo i bhfeidhm, titeann an dualgas ar an gcáiníocóir an tuairisceán DAC6 a thíolacadh leis na Coimisinéirí Ioncaim.

Cén uair le tuairisceán DAC6 a thíolacadh

Ní mór tuairisceáin DAC6 a thíolacadh laistigh de 30 lá ó cibé ceann de na cásanna seo a tharlaíonn ar dtús:

• an lá tar éis an socraíocht a chur ar fáil don cháiníocóir ábhartha lena chur i bhfeidhm
• an lá tar éis don cháiníocóir ábhartha an socraíocht a dhéanamh réidh lena chur i bhfeidhm
• nó
• nuair a glacadh an chéad chéim lena chur i bhfeidhm maidir leis an gcáiníocóir ábhartha.

Le tuilleadh eolais a fháil, féach Tax and Duty Manual Part 33-03-03.

Ar aghaidh: Faisnéis atá i dtuairisceán DAC6