DAC7
Conas tuairisceán DAC7 a thíolacadh
Tabhair do d'aire
Tá comhaontuithe i bhfeidhm ag Éirinn faoi na Rialacha Eiseamláireacha Tuairiscithe d'Oibreoirí Ardán Digiteach (MRDP) le Ceanada, leis an Nua-Shéalainn agus leis an Ríocht Aontaithe. Ceanglaítear ar Oibreoirí Ardán díoltóirí a thuairisciú a bhfuil cónaí orthu sna dlínsí seo nó a bhfuil maoin ar cíos acu iontu.
Ba chóir d’oibreoirí ardán Seirbhís ar Líne na gCoimisinéirí Ioncaim (ROS) a úsáid chun clárú le haghaidh na hoibleagáide tuairiscithe DAC7/MRDP. Mura bhfuil teacht agat ar ROS, ní mór duit clárú mar eintiteas tuairiscithe. Más gníomhaire thú atá ag déanamh ionadaíochta ar eintiteas tuairiscithe, féadtar do chliant a chlárú ar ROS.
Nuair a bheidh tú cláraithe mar eintiteas tuairiscithe, beidh tú in ann teacht ar ROS agus clárú don dualgas tuairiscithe DAC7/MRDP. Féadfaidh tú ansin na tuairisceáin DAC7/MRDP a thíolacadh do na Coimisinéirí Ioncaim trí ROS. Is féidir é sin a dhéanamh leis an bhfoirm ar líne, trí comhad XML a thíolacadh, nó trí shaoráid API.
Le haghaidh tuilleadh eolais, féach an rannán Forbróirí bogearraí agus DAC7/MRDP registration and filing FAQs.