DAC7

Faisnéis atá le soláthar d'oibreoirí ardán ag díoltóirí ar eintitis iad

Tabhair do d’aire

Tá comhaontuithe i bhfeidhm ag Éirinn faoi na Rialacha Samhla Tuairiscithe le haghaidh Oibreoirí Ardán Digiteach (MRDP) le Ceanada, leis an Nua-Shéalainn agus leis an Ríocht Aontaithe. Ceanglaítear ar Oibreoirí Ardán díoltóirí a bhfuil cónaí orthu sna dlínsí seo nó atá ar cíos acu a thuairisciú.

Is creataí comhchosúla iad Council Directive (EU) 2021/514 (DAC7) agus na Rialacha samhla le haghaidh Oibreoirí Ardán Digiteach (MRDP). Cuireann siad d'oibleagáid ar oibreoirí ardán digiteach faisnéis a bhailiú agus a thuairisciú go huathoibríoch faoi dhíoltóirí áirithe a úsáideann a n-ardáin chun breithniú a thuilleamh.

Faisnéis atá le soláthar d'oibreoirí ardán ag díoltóirí ar daoine aonair iad

Éilíonn an DAC7 agus MRDP ar dhíoltóirí ar daoine aonair iad an fhaisnéis seo a leanas a sholáthar d'oibreoir ardáin:

• Céadainm agus sloinne.
• Príomhsheoladh.
• Gach Uimhir Aitheantais Cánach (TIN) a eisítear chuig an díoltóir sin, lena n-áirítear gach Ballstát eisiúna.
• In éagmais TIN, áit bhreithe an díoltóra.
• Uimhir aitheantais Cáin Bhreisluacha (CBL), má tá ceann amháin ag an díoltóir.
• Dáta breithe.

Ní éilíonn an MRDP áit bhreithe ná uimhir aitheantais CBL a bhailiú.

Mura díoltóir eisiata é an duine aonair, cuirfidh an t-oibreoir ardáin an fhaisnéis seo ar fáil do na Coimisinéirí Ioncaim gach bliain agus tuairisceán DAC7 nó MRDP á thíolacadh acu.

Chun tuilleadh eolais a fháil faoi dhíoltóirí eisiata, féach 'Díoltóirí nach bhfuil oibleagáid tuairiscithe orthu faoi DAC7/MRDP'.

Faisnéis atá le soláthar d'oibreoirí ardán ag díoltóirí ar eintitis iad

Éilíonn an DAC7 agus MRDP ar dhíoltóirí ar eintitis iad an fhaisnéis seo a leanas a sholáthar d'oibreoir ardáin:

• A n-ainm dlíthiúil.
• A bpríomhsheoladh.
• Sonraí maidir le gach díoltóir intuairiscithe de chuid gach Ballstáit ina ndéantar gníomhaíochtaí ábhartha trí bhuanbhunaíocht in aon Bhallstát, i gcás ina bhfuil siad ar fáil.
• Gach Uimhir Aitheantais Cánach (TIN) a eisítear chuig an díoltóir sin, lena n-áirítear gach Ballstát eisiúna.
• A n-uimhir aitheantais CBL, nuair atá sí ar fáil.
• A n-uimhir chlárúcháin ghnó.

Ní éilíonn an MRDP faisnéis bhuanbhunaíochta ná uimhreacha aitheantais CBL a bhailiú.

Mura díoltóir eisiata é an t-eintiteas, cuirfidh an t-oibreoir ardáin an fhaisnéis seo ar fáil do na Coimisinéirí Ioncaim gach bliain agus tuairisceán DAC7 nó MRDP á thíolacadh aige.

Chun tuilleadh eolais a fháil faoi dhíoltóirí eisiata, féach 'Díoltóirí nach bhfuil oibleagáid tuairiscithe orthu faoi DAC7/MRDP'.

Ar aghaidh: Faisnéis a thuairiscítear maidir le díoltóirí faoi DAC7