CESOP- íocaíochtaí trasteorann AE a thuairisciú

Léargas ginearálta

Ó Eanáir 2024, is riachtanas é do Sholáthraithe Seirbhíse Íocaíochta (SSÍanna) sonraí ar íocaíochtaí trasteorann a fuair cuideachtaí ó chustaiméirí a thíolcadh. Tíolacann na SSÍanna na sonraí seo go dtí na húdaráis cánach i ngach cheann de na Ballstáit den Aontas Eorpach (AE) ina gcuireann siad a gcuid seirbhísí ar fáil.

Tá an ceanglas tuairiscithe trasteorann seo mar chuid de phacáiste cánach breisluacha (CBL) ríomhthráchtála a dhear an Aontas Eorpach chun nósanna reatha imeachta CBL a nuachóiriú. I measc na gnéithe tábhachtacha a tugadh isteach go dtí seo, tá an Ionad Uileghnó CBL agus an Ionad Uileghnó do CBL Iompórtála.

A bhuí leis na bearta seo, beidh sé níos éasca feasta do lucht gnó a chuid dualgais CBL a chomhlíonadh. Lena chois sin, beidh na húdaráis cánach in ann tacaíocht a thabhairt do chuideachtaí a chomhlíonann na dualgais seo agus iad ag iarraidh chuideachtaí neamhchomhlíontacha agus CBL nár íocadh ina hiomláine ar idirbhearta trasteorann a aimsiú.

Bunachar sonraí an Lárchórais Leictreonach Faisnéise Íocaíochta (CESOP)

Seolann gach córas riartha cánach na sonraí chuig bunachar sonraí lárnaigh de chuid an Aontais Eorpaigh, an Lárchóras Leictreonach Faisnéise Íocaíochta (CESOP). Déantar na sonraí seo a chomhiomlánú laistigh den CESOP agus cuirtear ar fáil iad do bhaill foirne ainmnithe laistigh de gach córas riartha cánach. Úsáidfear na sonraí chun a chinntiú go bhfuil an méid ceart Cánach Breisluacha á loghadh i ngach Ballstát.

Reachtaíocht

Tá dhá phíosa reachtaíochta ae ann atá mar bhonn agus mar thaca ag na ceanglais nua:

• Treoir (AE) 2020/284 ón gComhairle lena leasaítear an Treoir CBL (Treoir (AE) 2006/112/CE ón gComhairle maidir leis an gcomhchóras le haghaidh cáin bhreisluacha)
• agus
• Rialachán (AE) 2020/283 ón gComhairle lena leasaítear Rialachán (AE) 904/2010 ón gComhairle maidir le comhoibriú riaracháin agus calaois i réimse CBL a chomhrac.

Rinneadh reachtaíocht an AE a thrasuí i ndlí na hÉireann faoi dhá shraith rialachán a síníodh ina ndlí ar an 20 Nollaig 2023. Tiocfaidh na rialacháin seo i bhfeidhm an 1 Eanáir 2024.

• Tugann S.I. No. 650 of 2023 éifeacht d'fhorálacha Threoir (AE) 2020/284 ón gComhairle lena leasaítear an Treoir CBL (Treoir (AE) 2006/112/CE ón gComhairle maidir leis an gcomhchóras le haghaidh cáin bhreisluacha). Leasaíonn an ionstraim reachtúil dlí CBL na hÉireann trí Chuid 9A 'Oibleagáidí tuairiscithe ar sholáthraithe seirbhíse íocaíochta áirithe' (lena gcuimsítear ailt, 85A go 85F) a chur isteach san Value-Added Tax Consolidation Act 2010 (Uimh.31 de 2010) (VATCA)
• agus
• Tugann S.I. No. 651 of 2023 éifeacht d'fhorálacha Rialachán (AE) 2020/283 ón gComhairle lena leasaítear Rialachán (AE) 904/2010 ón gComhairle maidir le comhoibriú riaracháin agus calaois i réimse CBL a chomhrac. Leasaíonn an ionstraim reachtúil dlí CBL na hÉireann trí ailt 85G agus 85H a chur isteach i gCuid 9A de VATCA.

Tá an teideal 'Oibleagáidí tuairiscithe soláthraithe seirbhíse íocaíochta áirithe' curtha ar Chuid 9A de VATCA. Bhí sé curtha isteach ag I.R. Uimh. 650 de 2023 agus bhí sé leathnaithe ag I.R. Uimh. 651 de 2023.

Ar aghaidh: Soláthraithe Seirbhíse Íocaíochta (SSÍ) a chaithfidh tuairsciú