CESOP- íocaíochtaí trasteorann AE a thuairisciú
Tíolacthaí CESOP
Ní mór do Sholáthraithe Seirbhíse Íocaíochta (SSÍanna) tuairisceán sonraí a dhéanamh ar íocaíochtaí trasteorann gach ráithe. Teastaíonn an tuairisceán ar gach riarachán cánach faoi dheireadh na míosa tar éis dheireadh na ráithe. Mar shampla, ba chóir do PSP tuairisceán a thíolacadh chuig gach riarachán cánach don chéad ráithe de 2024 faoin 30 Aibreán 2024.
Tá CESOP – Guidelines for the reporting of payment data eisithe ag an European Union (EU) Commission Taxation and Customs Union. Chun Soiléiriú breise a fháil ar Threoirlínte Tuairiscithe CESOP, féach Guidelines for reporting same payee with several transactions.
Tá liosta dréachtaithe ag an gCoimisiún Eorpach freisin de CESOP frequently asked questions.
Cé leis a dhéanann an PSP an tuairisciú?
Iarrtar ar PSP tuairisceán a thabhairt do gach Ballstát ina soláthraíonn sé seirbhísí a thagann faoi raon feidhme na hoibleagáide tuairiscithe.
Mar shampla, féadfaidh SSÍ atá bunaithe sa Bheilg seirbhísí íocaíochta a sholáthar d’íocaithe sa Bheilg, sa Fhrainc agus san Ísiltír. I gcásanna den sórt sin, beidh ar an SSÍ tuairisceáin a thíolacadh i ngach ceann de na trí thír sin.
Conas tíolacadh CESOP a dhéanamh in Éirinn
Tar éis duit clárú, déanfar gach tíolacadh le haghaidh CESOP trí ROS.
Ní mór do gach SSÍ:
- clárú le haghaidh ROS
- uimhir chustaiméara ghníomhach a fháil ó na Coimisinéirí Ioncaim
- agus
- Tíolacadh a dhéanamh tríd an gcuntas cláraithe ROS a bhaineann le huimhir chustaiméara na gCoimisinéirí Ioncaim don SSÍ a bhfuil an oibleagáid tuairiscithe air maidir le CESOP.
-
Spriocdháta tíolactha CESOP 2024 in Éirinn
| Ráithe a haon (Eanáir go Márta) |
30 Aibreán 2024 |
| Ráithe a dó (Aibreán go Meitheamh) |
31 Iúil 2024 |
| Ráithe a trí (Iúil go Meán Fómhair) |
31 Deireadh Fómhair 2024 |
| Ráithe a ceathair (Deireadh Fómhair go Nollaig) |
31 Eanáir 2025 |
Chun tuilleadh eolais a fháil maidir le Clárú agus Comhdú le haghaidh CESOP, féach Treoirlínte Clárúcháin agus Tíolactha CESOP.
Ní mór do gach SSÍ tuairisceáin a dhéanamh go leictreonach i bhformáid XML sonraithe. Eisíonn an European Union (EU) Commission Taxation and Customs Union treoir ina leith, Payment data XSD User Guides.
Tugann an treoir d’úsáideoirí tuilleadh treoracha do SSÍanna maidir le gach gné den tuairisceán. Chun tacú le SSÍanna a bhfuil dualgas orthu tíolacthaí a dhéanamh i ndlínsí éagsúla, d'fhoilsigh Coimisiún an AE liosta de Thairseacha Náisiúnta CESOP.
I gcás fiosruithe, seol ríomhphost chuig CESOPEnquiries@revenue.ie.
Tá tuilleadh eolais ar fáil ar shuíomh idirlín An Coimisiún Eorpach ag:
Is trí Sheirbhís ar Líne na gCoimisinéirí Ioncaim (ROS) nó tríd an iarratas ar Chlárú Neamhchónaitheoirí (NRR) a dhéantar gach clárúchán le haghaidh CESOP. Le haghaidh tuilleadh eolais, féach 'Clárúchán CESOP'.
Ar aghaidh: Sonraíochtaí tíolactha