Táirgí cógaisíochta le haghaidh imeachtaí spóirt idirnáisiúnta

Féadtar táirgí cógaisíochta áirithe a iompórtáil le haghaidh úsáid ag daoine nó úsáid tréidliachta gan Dleacht Custam agus Cáin Bhreisluacha (CBL) a íoc.

Féadtar na táirgí seo a bheith in úsáid ag daoine nó ainmhithe ag teacht isteach san Aontas Eorpach (AE) chun páirt a ghlacadh in imeachtaí spóirt idirnáisiúnta. Ní fhéadtar ach an méid táirgí a theastaíonn chun do riachtanais a chomhlíonadh i rith do fanacht san AE, a iompórtáil.

Nós imeachta ag tráth na hiompórtála

Teastóidh litir ó dhochtúir nó tréidlia ina ndeimhnítear an gá leis na táirgí.

Ní mór do seoltóir na n-earraí an méid seo a leanas a dhéanamh:

• an litir liostaithe thuas a cheangal den taobh amuigh den phacáiste agus ‘doiciméid custam’ a mharcáil air.
• eolas maidir leis an mbronntanas a chur ar fáil don tseirbhís poist nó don chúiréir atá ag láimhseáil an pacáiste. Ba chóir go mbeadh an méid seo a leanas san eolas seo faoi na hearraí:
  • cur síos cruinn
  • cód tráchtearra
  • agus
  • an luach.
• marcáil an pacáiste ‘Táirgí cógaisíochta, imeachtaí spóirt: díolúine ó mhuirir iompórtála éilithe’.

Féadann an tseirbhís cúiréireachta nó poist a dhéileálann leis an bpacáiste an fhaisnéis seo a úsáid chun dearbhú custaim leictreonach a chomhlánú trí Chóras nua Iompórtála Uathoibríoch a gCoimisinéirí Ioncaim a úsáid.

Ba chóir dóibh an méid seo a leanas a bheith ar an dearbhú custaim seo:

• na hearraí a dhearbhú mar táirgí cógaisíochta le haghaidh imeachtaí spóirt
• agus
• an cód C19 a chur in DE 1/11 den dearbhú.

Tuilleadh eolais

Má tá tuilleadh eolais uait, déan teagmháil leis an Aonad um Údaruithe agus Faoisimh.