Pleananna árachais agus scrúduithe sláinte

Faoiseamh Árachais Sláinte

Féadfaidh tú préimh árachais sláinte a íoc ar son d'fhostaithe. Is sochar comhchineáil é seo. Ní mór dóibh Cáin Ioncaim, Árachas Sóisialach Pá-Choibhneasa (ÁSPC) agus an Muirear Sóisialta Uilíoch (MSU) a íoc as an bpréimh chomhlán. Is é an tsuim dlite sula baineann tú Faoiseamh Árachais Sláinte as suim an phréimh.

Féadfaidh d’fhostaí iarratas a dhéanamh leis na Coimisinéirí Ioncaim le haghaidh Creidmheas Cánach i leith Faoiseamh Árachais Sláinte. Féach ar an rannán Préimheanna árachais liachta chun tuilleadh eolais a fháil.

Clúdach Buanárachas Sláinte

Féadfaidh tú polasaí árachais a thogáil amach chun costas pá breoiteachta d’fhostaithe a chlúdach. Ní mheastar gur polasaí Bunárachas Sláinte é seo chun críocha cánach mar go n-íocfaí na fáltais le do ghnó. Sna cúinsí seo, ní thiocfadh aon mhuirear Sochair Comhchineáil chun cinn d'fhostaí.

Clúdach Buanárachas Sláinte Sonrach

Is sochar incháinithe é clúdach Bunárachas Sláinte Sonrach má thógtar amach polasaí chun costais pá breoiteachta fostaí nó stiúrthóra ar leith a chlúdach. Íocfaí fáltais na bpolasaithe seo go díreach leis an bhfostaí nó an stiúrthóir. Is é luach incháinithe an tsochair seo ná suim na préimhe íoctha. 

Ranníocaíochtaí fostóra le scéimeanna Buanárachas Sláinte 

Féadfaidh tú scéim a chur i bhfeidhm ina dhéanann tú féin agus d'fhostaithe ranníocaíocht do na préimh árachais. Ní mór cead don scéim a fháil ó na Coimisinéirí Ioncaim. Féach an Tax and Duty Manual Part 15-01-10 le haghaidh tuilleadh sonraí. Tugtar faoiseamh cánach ar ranníocaíochtaí Buanárachas Sláinte atá faoi réir uasmhéid de 10% d'ioncam bliantúil an duine.

Ní fhéadfaidh an ranníocaíocht iomlán a bheith níos mó ná an teorainn 10%.  Má tá an ranníocaíocht PHI níos mó ná 10% d'ioncam d'fhostaí, ní mór Íoc Mar a Thuillir (ÍMAT), ÁSPC agus MSU a asbhaint den mhéid atá os cionn 10%. Mura ndéanann na Coimisinéirí Ioncaim an polasaí a cheadú, is sochar comhchineáil an phréimh iomlán a íocann tú.

Pleananna sláinte inmheánacha

Féadfaidh sé go bhfuil plean sláinte inmheánacha ar súil agat a dhéanann fostaithe ranníocaíochtaí leo, agus éilimh orthu. Nuair, mar fhostóir, nach ndéanann tú ranníocaíocht don phlean seo,  níl ort muirear Sochair Comhchineáil a fheidhmiú.

Má dhéanann tú ranníocaíochtaí do do phlean sláinte inmheánach, ní mór duit cead a fháil ó na Coimisinéirí Ioncaim a dheimhníonn nach bhfuil ort muirear Sochair Comhchineáil a fheidhmiú. Féadfaidh tú cead a fháil ó d’oifig de chuid na gCoimisinéirí Ioncaim ag úsáid M’Fhiosruithe ar Sheirbhís ar Líne na gCoimisinéirí Ioncaim (ROS).

Féadtar roghnú a dhéanamh liachleachtóir ginearálta a fhostú, nó táille áirithíochta a íoc leo. Má dhéanann, ní chaithfear le haon sochar a fhaigheann d’fhostaithe mar shochair chomhchineáil.

Scrúduithe sláinte

Féadtar íoc as scrúdú sláinte amháin in aghaidh na bliana do gach fostaí. Ní sochar comhchineáil incháinithe é seo sa chás go bhfuil an scrúdú sláinte ar fáil do gach fostaí.