Baile   Fostú daoine   Sochar comhchineáil d'fhostóirí  

Úsáid phríobháideach feithiclí curtha ar fáil ag an bhfostóir

  1. Léargas ginearálta
  2. Cén chaoi le luach an tsochair a ríomh
  3. Fostaithe le líon íseal ciliméadar gnó
  4. Feithicil curtha ar fáil ag an bhfostóir nach bhfuil ar fáil don bhliain iomlán
  5. Díolúintí
  6. Ceisteanna eile Sochair Chomhchineáil

Fostaithe le líon íseal ciliméadar gnó

Mura dtaistealaíonn d’fhostaí níos mó ná 24,000 ciliméadar sa bhliain, féadtar an choibhéis airgid ríofa a laghdú tuilleadh faoi 20%. Chun an laghdú seo a fháil, ní mór go mbainfeadh siad seo le d’fhostaí:

  • oibríonn an fostaí 20 uair a chloig sa tseachtain ar an meán ar a laghad
  • taistealaíonn an fostaí 8,000 ciliméadar gnó sa bhliain ar a laghad
  • caitheann an fostaí 70% ar a laghad dá chuid ama oibre ag obair ar shiúl ó fhoirgneamh an fhostóra
  • agus
  • logleabhar a choinneáil agus sonraí ann faoi chiliméadair ghnó agus na críocha oibre.
  • Sampla

    I 2024 úsáideann d’fhostaí feithicil curtha ar fáil ag an bhfostóir a bhfuil €30,000 mar Luach ar an Margadh Bunaidh (LMB) air. Is feithicil de Chatagóir B í agus tá 9,000 ciliméadar mar thaisteal gnó bliantúil aige. Ní iarrtar orthu íoc i leith chostas an chairr, ná i leith chaiteachas oibriúcháin an chairr. Caitheann d’fhostaí níos mó ná 70% dá chuid ama oibre ag obair ar siúl ó d’áitreabh.

    Ós rud é gur feithicil de chuid Chatagóir B é an carr, laghdaítear an LMO faoi €10,000 chun an choibhéis airgid a ríomh.

    Ríomhtar an choibhéis airgid mar €4,200 don bhliain (€30,000 - €10,000 x 26.25% x 80%).

    Íoctar d’fhostaí go seachtainiúil. Ba chóir coibhéis airgid €180.76 (€4,200/52) a chur lena phá incháinithe. Ba chóir duit Cáin Ioncaim, Árachas Sóisialach Pá-Choibhneasa (ÁSPC) agus an Muirear Sóisialach Uilíoch (MSU) a ríomh ar an méid iomlán.

Ar aghaidh: Feithicil curtha ar fáil ag an bhfostóir nach bhfuil ar fáil don bhliain iomlán

Foilsithe: 25 Eanáir 2024 Priontáil an leathanach seo

Leathanach baile Ar ais go barr