Úsáid phríobháideach veaineanna curtha ar fáil ag an bhfostóir
Coibhéis airgid veaineanna curtha ar fáil ag an bhfostóir a ríomh
Is é an choibhéis airgid veain a chuireann tú ar fáil d’fhostaí ná 8% den Luach ar an Margadh Bunaidh (LMB) atá ar an veain. Suas go dtí mí na Nollag 2022, ríomhadh an choibhéis airgid ag 5% den LMB an veain. Má rinneadh bunathrú ar an veain, ba chóir go n-eisiafaí an bunathrú seo ón LMB. Sampla de bhunathrú is ea cás inar suiteáladh aonad cuisniúcháin.
Má íocann d’fhostaí as costas reatha na veain go díreach leat, ba chóir an choibhéis airgid a laghdú faoin tsuim a íocadh.
I gcás 2023, 2024 agus 2025, is féidir laghdú €10,000 a chur i bhfeidhm ar LMB veaineanna chun an choibhéis airgid a ríomh.
Sampla 1
Ar an 1 Eanáir 2025, soláthraíonn tú veain do d'fhostaí le haghaidh úsáid ghnó agus phríobháideach. Is é €28,000 LMB an veain. Níor íoc d’fhostaí aon rud i leith chostais reatha na veain.
|
Luach an tsochair do 2025 a ríomh
|
|
|
|
Iomlán
|
|
LMB an veain
|
|
€28,000
|
|
Lúide asbhaint atá i bhfeidhm do 2025
|
|
€10,000
|
|
LMB laghdaithe chun críocha Sochar Comhchineáil
|
|
€18,000
|
|
Coibhéis airgid/ luach incháinithe an tsochair
|
€18,000 x 8%
|
€1,440
|
Sampla 2
Faightear íocaíocht ó fhostaí.
Ar an 1 Eanáir 2025, soláthraíonn tú veain do d’fhostaí le haghaidh úsáid gnó agus le húsáid phríobháideach. Is é €28,000 LMB an veain. Íocann d’fhostaí €500 leat gach bliain i leith chostais reatha na veain. Ríomhtar luach an tsochair mar:
LMB €28,000 lúide €10,000 = €18,000
€18,000 x 8% = €1,440
Lúide an tsuim a d’íoc an fostaí €500
Luach an tsochair €940.
Ós rud é go bhfuil €940 mar luach an tsochair, ní mór é seo a chur lena bpá incháinithe don bhliain. Ba chóir an pá barúlach €940 (€18.07 sa tseachtain nó €78.33 sa mhí) a chur lena bpá nó tuarastal. Ba chóir Cáin Ioncaim, ÁSPC agus MSU a ríomh ar an tsuim iomlán.
Féadfaidh sé nach bhfuil úsáid na veain ag d’fhostaí don bhliain iomlán. Féadfaidh sé go bhfuil sé seo amhlaidh:
- toisc go bhfuair d’fhostaí veain le linn na bliana cánach
- toisc gur thug d’fhostaí veain suas roimh dheireadh na bliana cánach
- nó
- toisc gur thaisteal an fostaí thar lear gan an veain.
Sa chás go dtarlaíonn sé seo, féadtar an choibhéis airgid a laghdú chun líon na laethanta a raibh an veain ag d'fhostaí i ndáiríre a léiriú. Mar shampla, i gcás nach raibh an veain ar fáil ach le haghaidh 13 seachtaine sa bhliain bheadh an ‘coibhéis airgid’ cothrom le haon cheathrú den tsuim a bheadh i gceist le haghaidh bliain iomlán.
Ar aghaidh: Liúntais i leith veaineanna