Úsáid phríobháideach veaineanna curtha ar fáil ag an bhfostóir

Díolúintí ó Shochar Comhchineáil

Díolúine Ghinearálta

Ní íocfaidh d’fhostaí cáin ar shochar veain curtha ar fáil ag an bhfostóir sna cásanna seo a leanas:

• go gcuireann tú an veain ar fáil do d’fhostaí chun críocha oibre agus go gcaithfear é a thabhairt abhaile leo ina dhiaidh
• nach bhfuil cead ag d'fhostaí an veain a úsáid le haghaidh taisteal príobháideach seachas taisteal go dtí agus ón obair
• agus
• go gcaitheann d’fhostaí ar a laghad 80% dá gcuid lá oibre ar shiúl ó d’áitreabh oibre.

Linnte veain

Má úsáideann d’fhostaí veain curtha ar fáil ag an bhfostóir i linn veain, níl orthu aon cháin a íoc ar an sochar sin. Is éard is linn veain ann ná nuair atá veain curtha ar fáil ag an bhfostóir ar fáil agus é in úsáid ag níos mó ná aon fhostaí amháin. Tá na critéir seo a leanas ag baint le linn veain:

• Cuirtear veain ar fáil agus á úsáid ag níos mó ná aon fhostaí amháin.
• Ní mór nach n-úsáidtear an veain ag fostaí amháin, rud a choisceann daoine eile í a úsáid.
• Ní mór gur go fánach a bhaintear úsáid phríobháideach as an veain.
• De ghnáth ní choinnítear an veain thar oíche ag nó in aice aon cheann d’áiteanna cónaithe na bhfostaithe.

Veaineanna leictreacha

Tá díolúintí áirithe ó Sochar Chomhchineáil ar fáil sa chás gur veain leictreach an veain a chuirtear ar fáil do d’fhostaí. Veaineannaí a fhaigheann a gcumhacht ghluaiste ó leictreachas amháin atá i gceist le veaineannaí leictreacha. Ní cháilíonn veaineanna hibrideacha mar veaineanna leictreacha. Tá an cánachas seo i gceist le veaineanna atá nua nó úsáidte araon.

Díolúine

Bhí díolúine ar fáil nuair a chuir tú veain leictreach ar fáil do d'fhostaí lena úsáid go príobháideach ó 2019 go 2022. Le tuilleadh eolais a fháil, féach Alt 6 de TDM Part 05-01-01b.

2023 go dtí 2027 Síneadh leis an Díolúine

Féadfaidh tú rogha a dhéanamh veain leictreach a chur ar fáil do d’fhostaí d’úsáid phríobháideach. Beidh feidhm ag páirtfhaoiseamh maidir le veaineanna a cuireadh ar fáil idir 1 Eanáir 2023 agus 31 Nollaig 2027.

Cuirtear an faoiseamh i bhfeidhm trí LMO an veain a laghdú. Is mar seo a leanas an laghdú atá i bhfeidhm:

• €35,000 i leith veaineanna a cuireadh ar fáil le linn 2023, 2024 agus 2025.
• €20,000 i leith veaineanna a cuireadh ar fáil le linn 2026.
• €10,000 i leith veaineanna a cuireadh ar fáil le linn 2027.

In 2023, 2024 agus 2025, beidh feidhm ag an laghdú breise €10,000 ar veaineanna leictreacha freisin.

Sampla

Cuireann tú veain leictreach ar fáil do d'fhostaí le haghaidh úsáid ghnó agus phríobháideach an 1 Eanáir 2025. Is é €55,000 Luach Margaidh Bunaidh (LMB) an veain. Níor íoc d’fhostaí aon rud i leith chostais reatha na veain.

Sa gcás ina laghdaítear an LMB go nialas leis an bhfaoiseamh, ní bheidh muirear Sochar Comhchineáil i gceist. Dlitear Sochar Comhchineáil ar aon LMB sa bhreis ar an laghdú sa gnáthbhealach. Le tuilleadh eolais a fháil, féach Tax and Duty Manual Part 05-01-01b.

Díolúine mheáchain

Féadfaidh sé nach gá d’fhostaí Sochar Comhchineáil a íoc ar veain má sháraíonn sé meáchan áirithe. Ní mór meáchan comhlán na veain (meáchan comhlán luchtaithe) a bheith 3,500kg nó níos mó chun cáiliú don díolúine seo.

Díolúintí a bhaineann le luchtú feithiclí leictreacha

Féadfaidh feidhm a bheith ag díolúine ó Shochar Comhchineáil maidir le pointe luchtaithe leictreach a úsáid.

Chun tuilleadh eolais a fháil, féach Díolúintí.