Baile   Fostú daoine   Sochar comhchineáil d'fhostóirí  

Cáin ar shochar comhchineáil

  1. Léargas ginearálta
  2. Meastachán a dhéanamh ar luach sochar
  3. Cáin a ghearradh ar shochair
  4. Pá neamhleor chun cáin a asbhaint
  5. Cáin a roinnt thar an mbliain
  6. Cáin fostaí íoctha ag an bhfostóir

Cáin fostaí íoctha ag an bhfostóir

Mar fhostóir, féadtar roghnú cáin ar íoc ar shochar thar ceann d’fhostaí. Braithfidh an chaoi a dhéantar seo ar chineál agus minicíocht an tsochair.

Cáin fostaí a íoc ar shochair rialta

Féadtar íoc as an gcáin atá dlite ar shochair rialta fostaithe. Ní chuirtear mórshochair amhail carranna san áireamh anseo. Ní mór suim ollardaithe an tsochair agus na cánacha a d'íoc tú a bheith curtha san áireamh i bpárolla an fhostaí. Gheobhaidh d'fhostaí creidmheas i leith na Cánach Ioncaim agus an Mhuirir Shóisialaigh Uilíoch (MSU) a íocadh agus taifead Árachais Shóisialaigh Pá-Choibhneasa (ÁSPC) i leith na ranníocaíochtaí a rinneadh.

Cáin a ríomh (ollardú)

Más mian leat go bhfaighidh fostaí luach iomlán an tsochair gan a bheith orthu cáin a íoc, ní mór duit suim an tsochair atá curtha isteach sa phárolla a mhéadú. Ligeann an sochar méadaithe seo duit ráta cánach an fhostaí a asbhaint, agus luach bunaidh an tsochair a thabhairt dóibh.

Tugtar suim ollardaithe ar an sochar méadaithe. Taispeántar thíos cén chaoi leis an tsuim seo a ríomh.

  • Sampla

    Thug tú sochar incháinithe d’fhostaí ar luach €110. D’íoc an fostaí Cáin Ioncaim ag 40%, ÁSPC ag 4% agus MSU ag 5% ar an sochar.

    Más mian leat an Cháin Ioncaim, ÁSPC agus MSU a íoc, is ionann an €110 agus 51.9% den luach ollardaithe. 100% - (40% + 4.1% + 4%) = 51.9%. Is í an tsuim ollardaithe ná €110 x 100 ÷ 51.9= €211.95.

    Ní mór an suim seo a íoc:

    Cáin a ríomh

    Cáin Ioncaim

    		 €211.95 @ 40% €84.78

    ÁSPC Fostaí

    		 €211.95 @ 4.1% €8.69

    MSU

    		 €211.95 @ 4% €8.48

    Dliteanas Iomlán an Fhostaí

    		 €101.95

    ÁSPC Fostóra

    		 €211.95 @ 11.15% €23.63

    Déanann tú dliteanas cánach an fhostaí (€101.95) a asbhaint ón tsuim ollardaithe (€211.95). Is é an t-iarmhéid ná €110 (luach bunaidh an tsochair).

    I bhformhór na gcásanna, déanfaidh bogearraí párolla an t-ollardú duit de ghnáth.

Cáin fostaithe a íoc ar mionsochair agus sochair neamhrialta

Más mian leat íoc as an gcáin atá dlite ar shochair d'fhostaí atá mion agus neamhrialta, ní mór duit é sin a shocrú leis na Coimisinéirí Ioncaim. Féadtar é seo a dhéanamh trí chomhaontú socraíochta ÍMAT (PSA). Chun PSA a shocrú, féadtar iarratas a dhéanamh leis na Coimisinéirí Ioncaim i scríbhinn. Ní mór go bhfaighimid d’iarratas PSA ar an 31 Nollaig sa bhliain chánach ábhartha nó roimhe sin. Ní bhaineann na socraíochtaí PSA le:

Má íocann tú cáin d'fhostaí ar shochar beag agus neamhrialta, ní chuirfear é sin san áireamh mar ioncam. Ní fhéadann an fostaí creidmheas a éileamh i leith cáin atá íoctha agatsa. Anuas air sin, ní fhéadann an fostaí ach an oiread an tÁrachas Sóisialach Pá-Choibhneasa a d’íoc tusa a chur i leith a dtaifid féin.

Foilsithe: 21 Eanáir 2025 Priontáil an leathanach seo

Leathanach baile Ar ais go barr