Cáin d'fhostaithe a íoc leis na Coimisinéirí Ioncaim
Cáin a íoc leis na Coimisinéirí Ioncaim
Tabhair do d’aire
Baineann an t-eolas ar an leathanach seo le do dhualgais reatha. Chun eolas a fháil ar do dhualgais roimh 1 Eanáir 2019, féach ar an treoir d’fhostóirí in Employers Guide to PAYE.
Is é Rannóg an Ard-Bhailitheora sna Coimisinéirí Ioncaim a bhailíonn na cánacha uile a asbhaineann fostóirí. Ní mór duit do Cháin Ioncaim, Árachas Sóisialach Pá-Choibhneasa (ÁSPC), Muirear Sóisialach Uilíoch (MSU) agus Cáin Maoine Áitiúil (CMÁ) a íoc gach mí.
Íocaíochtaí míosúla
Cruthóidh na Coimisinéirí Ioncaim ráiteas míosúil a bheidh ar fáil duit faoin 5ú den mhí ina dhiaidh. Léireofar ar an ráiteas seo do dhliteanas iomlán don mhí tagartha sin bunaithe ar do thíolacthaí párolla.
Ní mór é seo a íoc taobh istigh de:
Íocaíochtaí ráithiúla
Más ionann suim iomlán d’íocaíochtaí Cánach Ioncaim, ÁSPC agus MSU le haghaidh na bliana agus €28,800 nó níos lú, féadtar iarratas a dhéanamh chun d’íocaíochtaí a dhéanamh go ráithiúil.
Má cháilíonn tú, ba chóir duit iarratas a dhéanamh le Rannóg an Ard-Bhailitheora le haghaidh na rogha seo. Chun iarratas a dhéanamh, ní mór duit a bheith i d’fhostóir le 12 mhí ar a laghad agus do chuid tuairisceán agus íocaíochtaí uile tíolactha agat (lena n-áirítear do thuairisceáin P35 le haghaidh na blianta roimh 2019).
Más go ráithiúil a dhéanann tú d’íocaíochtaí, is ga duit fós:
- tíolacadh párolla a thíolacadh gach uair a íocann tú d’fhostaithe
- glacadh leis an ráiteas a eisíonn muid gach mí, a bheidh mar an tuairisceán reachtúil míosúil ina dhiaidh sin.
Sceideal tuairisceán ráithiúil
| Ráithe chánach | Dátaí dlite tuairisceáin | Dáta dlite íocaíochta | Dáta sínte le haghaidh
íocaíochtaí le ROS |
|---|
|
Eanáir–Márta
|
14 Feabhra
14 Márta
14 Aibreán |
14 Aibreán
|
23 Aibreán
|
|
Aibreán–Meitheamh
|
14 Bealtaine
14 Meitheamh
14 Iúil |
14 Iúil
|
23 Iúil
|
|
Iúil–Meán Fómhair
|
14 Lúnasa
14 Meán Fómhair
14 Deireadh Fómhair |
14 Deireadh Fómhair
|
23 Deireadh Fómhair
|
|
Deireadh Fómhair–Nollaig
|
14 Samhain
14 Nollaig
14 Eanáir |
14 Eanáir
|
23 Eanáir
|
Modhanna íocaíochta
Bain úsáid as ROS nó moChúrsaí chun do cháin a íoc ar líne.
Tabhair do d’aire
Má íoctar do cháin tar éis an dáta dhlite, gearrfaidh na Coimisinéirí Ioncaim ús ort ón 14ú den mhí.
Is é an ráta úis ná 0.0274% le haghaidh gach lá atá an íocaíocht déanach.
Ar aghaidh: Asbhaint Cháin Maoine Áitiúla (CMÁ)